Әһли Бејт -АБНА- хәбәр аҝентлијинин вердији хәбәрә әсасән: Мајын 31-дә Бакы Апелјасија Мәһкәмәсиндә Мүсават Партијасы Ҝәнҹләр Тәшкилатынын сәдр мүавини Әһәд Мәммәдли вә битәрәф Елнур Исрафиловун Сәбајел Рајон Мәһкәмәсинин гәрарындан вердији апелјасија шикајәтинә бахылыб.
Вәкил Јалчын Имановун вердији мәлумата ҝөрә, шикајәт тәмин едилмәјиб.
Гејд едәк ки, һәр ики шәхс барәләриндә сечилән һәбс-гәтимкан тәдбиринин ев дустаглығы илә әвәз олунмасы һаггында вәсатәтлә Сәбајел рајон Мәһкәмәсиндә вәсатәт галдырмышды. Лакин мәһкәмә вәсатәти гәбул етмәмишди.
Вәкил билдириб ки, ијун ајынын 9-да Әһәд Мәммәдлинин ики ајлыг һәбс-гәтимкан тәдбиринин мүддәти битсә дә, онунла бағлы истинтаг һәрәкәтләринин нә јердә олдуғуна даир һеч бир мәлуматы јохдур.
Хатырладаг ки, Әһәд Мәммәдли Ҹинајәт Мәҹәлләсинин 233-ҹү (Иҹтимаи гајданын позулмасына сәбәб олан һәрәкәтләри тәшкил етмә вә ја бу һәрәкәтләрдә иштирак етмә) вә 315-ҹи (һакимијјәт нүмајәндәләринә гаршы мүгавимәт ҝөстәрмә вә зор тәтбиг етмә) маддәләри илә тәгсирли билинир.
Елнур Исрафилов исә 233-ҹү вә 186.1-ҹи (өзҝәнин әмлакыны гәсдән мәһв етмә вә ја зәдәләмә) маддәләрлә иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
