Әһли Бејт -АБНА- хәбәр аҝентлијинин вердији хәбәрә әсасән: Бакынын Нәриманов рајону әразисиндә јерләшән "Ҝилавар" ресторанында ҝүҹлү јанғын һадисәси баш вериб. Фөвгәладә Һаллар Назирлијинин Дөвләт Јанғындан Мүһафизә Хидмәтиндән верилән мәлумата ҝөрә, һадисә бу ҝүн саат 10.00 радәләриндә гејдә алыныб. Јанғын ресторанын чардағында 300 квадрат метр әразидә баш вериб.
Мәлумата ҝөрә, 2 сајлы чағырышла һадисә јеринә 8 јанғынсөндүрән машын ҹәлб олунуб. Јанғынын гаршысы алыныб. Һазырда һадисә јериндә мүтәхәссисләр ишләјир. Онлар јанғынын һансы сәбәбдән баш вермәсини арашдырыр.
Һадисә заманы хәсарәт аланларын олуб-олмамасы барәдә мәлумат јохдур.
Һадисә шаһидләринин вердији мәлумата ҝөрә, һадисә нәтиҹәсиндә ресторанын әсасән дам өртүјүнә зијан дәјиб. Әввәлҹә галын түстү јараныб, даһа сонра исә мәтбәхдән дама чыхан собанын борусундан ҝүчлү алов јајылыб.
