Әһли Бејт -АБНА- хәбәр аҝентлијинин вердији хәбәрә әсасән: Ислам Ингилабынын Бөјүк Рәһбәри вурғулајыб ки, әҝәр Иран халгы бејнәлхалг һеҝемончулуғун һәдәләри гаршысында ҝери отурсајды вә өз шүарларындан әл чәксәјди, халгын үрәкләриндә үмид ҝүлләри соларды.
Һәзрәт Ајәтуллаһ Имам Хаменеи чәршәнбә ахшамы ҝүнү Һәзрәт Фатимә Зәһранын (с) виладәтинин илдөнүмү ҝүнүндә исмәт вә паклыг Әһли-бејти (ә) шаирләри вә закирләри топлусунда белә бујуруб: Мүгавимәт , сәбат ,ардыҹыллыг вә Иранын Ислам Ингилабы дәјәрләри вә принсипләринә бағлы олмаг мүсәлман халгларын вә дүнја мүшаһидәчиләринин үрәкләриндә үмид тумурҹугларынын чичәкләнмәсинә сәбәб олуб .
Ислам ингилабынын Бөјүк Рәһбәри вурғулајыб: Иранын Ислам Ингилабынын әзәмәтли хүсусијјәти бу иди ки , илаһи фәзиләтә ҝөрә гејд едилән баһарын бу ҝүнә гәдәр хәзаны олмасын.
Һәзрәт Ајәтуллаһ Имам Хаменеи Иран Ислам Ингилабынын зәфәр чалмасындан сонра 32 ил мүддәтиндә әнҝәл төрәтмәләр, дүшмәнчиликләр вә мүхтәлиф гаршыдурмаларла јанашы олан чәтин јола ишарә едәрәк белә вурғулајыб: Доғру хәттин давам етмәси вә бу хәтдән узаглашманын олмамасы вә Имам Хомејнин (р) ајдын вә ачыг бәјанынын бәрәкәтинә әсасән Ислам ингилабынын шүарлары вә һәдәфләринин горунмасы, Иранын Ислам Ингилабынын ән мүһүм хүсусијјәтләриндәндир.
Ислам Ингилабынын Бөјүк Рәһбәри сонра белә билдириб: Үмидлә һәрәкәт етмәк вә мөһкәм аддымларла аддымламагла дүнјада һеч бир гүдрәт Иранын ислам ингилабы јолунун гаршысыны ала билмәз.
Һәзрәт Ајәтуллаһ Имам Хаменеи һәмчинин Һәзрәт Фатимә Зәһранын (с) миладынын Имам Хомејнинин (р) виладәти илә ејни ҝүнә тәсадүф етмәсини чох ширин феномен адландырараг белә бујуруб: Имам Хомејни (р) мүтләг иман, ихлас, ибадәт, гејрәт вә Аллаһ тала јолунда мүгавимәтлә јанашы олан елә һәмән парлаг һәгигәтин бир нүмунәси иди.
