Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасына гаршы тәзјигләр давам едир. Партијанын Ислам аләминдә гадынлар бајрамы кими гејд олунан, Ислам Пејғәмбәринин әзиз гызы Фатимеји-Зәһранын (с.ә) мөвлуд ҝүнү илә әлагәдар тәшкил олунаҹаг тәдбиринин гаршысы бир ҝүн өнҹәдән алыныб. Белә ки, Нәриманов метросу јахынлығында јерләшән "Ҝүнәш" шадлыг сарајында кечирилмәси нәзәрдә тутулан тәдбир, ики нәфәр полковник рүтбәли полис әмәкдашынын ресторанын мүдиријјәтини хәбәрдарлыг етмәсиндән сонра мүдиријјәт тәшкилатчылара тәдбирин тәхирә салынмасыны хаһиш едиб. Бу һагда мәлуматы ФактХебер.ҹом-а АИП сәдри Елчин Манафов билдириб: "Биз артыг тәдбирлә әлагәдар бүтүн ишләри јекунлашдырмышдыг. Тәдбирә бир ҝүн галмыш дөвләт бизим бүтүн планларымыз позду. Белә ки, ресторан мүдирјјәти тәдбирин кечирилмәсинә иҹазә вермәмәси илә әлагәдар "ики нәфәр полковник рүтбәли полис ишчисини тәрәфиндән хәбәрдарлыг олундуғуну" билдирди. Бундан сонра биз Ҝәнҹлик метросунда јерләшән әввәлләр Маидә, һазырда исә Ајсу адлы ресторана мүраҹиәт етдик. Һәмин ресторандан да бизә билдирдилкәр ки, "габагҹадан бизә хәбәрдарлыг олунуб ки, белә бир тәдбирлә әлагәдар кимсә сизә мүраҹиәт етсә онлара иҹазә вермәјән". Биз бу һалдан чох нараһат олдуг. Һакимијјәтин илаһи дәјәрләрә гаршы бу мөвгедән чыхыш етмәсини кәскин писләјирик. Ҝөрүнүр һакимијјәт бу әрәфәләрдә Ислама гаршы артан тәзјигләрин гаршысыны алмаг әвәзинә, даһа да лазым олмајан аддымлар атыр".
Елчин Манафов һәмчинин билдирди ки, ДЕВАММ-ын да мөвлудла әлагәдар кечирмәк истәдији тәдбирин гаршысы алыныб: "Бу һаггда мәлуматы мәнә Илгар Ибраһимоғлу верди. Онларын да тәдбирлә әлагәдар мүраҹиәт етдикләри објектләрин саһибләри хәбәрдарлыг олунуб. Илгар Ибраһимоғлу бу мәсләилә бағлы бәјанат вердикләрин сөјләди".
Диггәт: Хәбәрдән истифадә етдикдә мәнбәјә истинад лазымдыр
