Әһли Бејт -АБНА- хәбәр аҝентлијинин вердији хәбәрә әсасән: Ҝөјчај рајонунда интиһар һадисәси баш вериб. Рајон Прокурорлуғундан верилән мәлумата ҝөрә, Хәлитли кәнд сакини олан 83 јашлы Јетәр Мәммәдова өзүнү канала атыб.
Јетәр Мәммәдова мајын 21-дә ахшам саатларында таксијә отурараг јашадығы јашајыш мәнтәгәсинин әразисиндән кечән Јухары Ширван каналынын кәнарына ҝәлиб вә һеч кәсин олмадығы бир јердә өзүнү суја атыб.
Беш өвлады олан 83 јашлы гадынын мејити бу ҝүн сәһәр саатларында каналдан чыхарылыб. Онун өзүнә гәсд етмәсинин сәбәбләри мәлум дејил.
Фактла бағлы Ҝөјчај рајон Прокурорлуғунда Ҹинајәт Мәҹәлләсинин өзүнү өлдүрмә һәддинә чатдырма (125-ҹи) маддәси илә ҹинајәт иши башланыб, арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
