Әһли Бејт -АБНА- хәбәр аҝентлијинин вердији хәбәрә әсасән: Мајын 18-дә пајтахт Кишинјовда һөкумәт бинасынын гаршысында үч мин адам әлләриндә “Молдова православ өлкәсидир” јазылмыш плакатларла митинг кечирибләр. Буна бәнзәр митингләр Молдованын диҝәр шәһәрләриндә дә кечирилиб.
Мајын 11-дә Молдова православ килсәсинин јепископу Фашизм Үзәриндә Гәләбә Ҝүнүнә һәср олунмуш мәрасимдә өлкәдә Ислам Лигасына рәсми статус верилмәсинин әлејһинә чыхыш едәрәк тәдбир иштиракчыларыны өлкәнин мүсәлманлашдырылмасынын әлејһинә етираз аксијасы кечирмәјә чағырмышды.
Буҝүнкү митингә һөкумәт нүмајәндәләри дә гошулуб. Аксијачылар әсасән Ислам Лигасынын гејдијјатына јенидән бахылмасыны тәләб едибләр.
Бу илин јазында рәсми статус алан Ислам Лигасы Молдовада илк мүсәлман тәшкилатыдыр.
Диггәт: Хәбәрдән истифадә етдикдә мәнбәјә истинад лазымдыр
