Әһли Бејт -АБНА- хәбәр аҝентлијинин вердији хәбәрә әсасән: "Һизбуллаһ" тәшкилатынын лидери Сејјид Һәсән Нәсруллаһ, Нәкба ҝүнүндә баш вермиш һадисәләрлә бағлы ачыглама вериб.
Тәшкилатын баш катиби, Фәләстинлиләрин Нәкба(фәлакәт) ҝүнү олараг хатырладығы вә Исраилин гурулуш ҝүнү олан 15 мај тарихиндә Ливан, Сурија, Иорданија, Гәзза вә Иордан чајынын гәрб саһилиндә тәшкил едилән нүмајишләр вә Исраил режими әсҝәрләринин нүмајишчиләрә ачдығы атәш нәтиҹәсиндә 20 фәләстинлинин шәһид олмасындан сонра ачыглама вериб.
Сејјид Һәсән Нәсруллаһ, ачыгламасында фәләстинлиләрин евләринә гајытмаг һүгуглары олдуғуну билдирәрәк, Ливан, Сурија, Иорданија, Гәзза вә Иордан чајынын гәрб саһилиндә нүмајишләр кечирән фәләстинлиләри, бу һаглы тәләбләриндә дәстәкләдијини ифадә едиб вә "Бу ҝүн бүтүн дүнја фәләстинлиләрин һаглы олдуғуну ҝөрмәкдәдир. Һагг вә әдаләт дүшмәнләри исә артыг әввәлки кими өз чиркин әмәлләрини мүхтәлиф дон ҝејдирәрәк ҝизләдә билмирләр. Мәнфур нијјәтләрини ачыг ашкар сөјләјирләр. Бу исә онларын мәһвинин чох јахын олмасы демәкдир. Фәләстин халгы өз доғма торпагларына мүтләг гајыдаҹаг вә о ҝүн чох јахындадыр" дејиб.
Диггәт: Хәбәрдән истифадә етдикдә мәнбәјә истинад лазымдыр
