Әһли Бејт АБНА хәбәр аҝентлијинин вердији хәбәрә әсасән: Екс-президентин һәјат јолдашы гејри-гануни варланма иттиһамлары илә бағлы бир нечә саат әрзиндә мүстәнтигләрин суалларыны ҹавабландырыб. Мүстәнтигләр шүбһәләнирләр ки, Сүзан наМүбарәк һәјат јолдашынын вәзифәсиндән варланмаг үчүн истифадә едиб. Даһа дәгиги, онун рәсми ҝәлирләри илә мүтәнасиб олмајан әмлак вә банк һесаблары сијаһысы һазырланыб.
Диндирмәдән сонра Сүзан Мүбарәкин 15 ҝүн мүддәтинә һәбси барәдә гәрар чыхарылыб. Екс-президентин һәјат јолдашы Гаһирә јахынлығындакы һәбсханаја көчүрүлмә тәһлүкәси илә үзләшиб.
***
Һүснү Мүбарәкин арвады да һәбс олунду
Мајын 13-дә Мисирин сабиг президенти Һүснү наМүбарәкин ханымы Сузанна наМүбарәк 15 ҝүн мүддәтинә һәбс едилиб. “Медиа форум” сајты хәбәр верир ки, игтисади ҹинајәтләрдә тәгсирли билинән Сузанна диндирмәдән сонра тутулуб. Онун диндирилмә просеси мајын 12-дә башлајыб.
Һүснү Мүбарәк өзү дә мајын 12-дә ахшам диндирилиб. Прокурорлуг диндирмә заманы она гаршы бүтүн иттиһамлары рәдд едән сабиг президентин сахланма мүддәтини 15 ҝүн артырыб.
1981-ҹи илдән Мисирә рәһбәрлик едән Һүснү наМүбарәк февралын 11-дә истефа вериб. Өлкәдә јанварын сонларындан башлајан, тоггушмаларла мүшајиәт олунан, 385 нәфәр өлмәси, 5 миндән чох инсанын јараланмасы илә нәтиҹәләнән халг һәрәкаты сонда ону һакимијјәти ордуја тәһвил вермәк мәҹбуријјәтиндә гојуб.
Диггәт: Хәбәрдән истифадә етдикдә мәнбәјә истинад лазымдыр
