Әһли Бејт АБНА хәбәр аҝентлијинин вердији хәбәрә әсасән: НАТО-нун баш катиби Андерс Фог Расмуссен вә АБШ рәсмиләри бу ҝүн Ҹәнуби Гафгазда “дондурулмуш мүнагишәләр” вә тәшкилатын реҝионла бағлы сијасәтини мүзакирә едәҹәкләр.
Расмуссен мајын 12-дә Вашингтонда “Јени тәһлүкәсизлик чағырышлары, Јени НАТО” мөвзусунда аналитикләр гаршысында чыхыш едәҹәк.
Сәфәрин ҝүндәлијинә НАТО-нун реҝион вә интеграсија мәсәләләри илә бағлы приоритетләри дахилдир. Мајда Расмуссен, һәмчинин Вашингтон, Атланта, Остин вә Чикагоја сәфәр едәҹәк, Америка иҹтимаијјәтини трансатлантик әлагәләрдә НАТО-нун һәлледиҹи ролу илә бағлы мәлуматландыраҹаг.
Политолог Фикрәт Садыгов Милли.Аз хәбәр порталына вердији ачыгламасында билдирди ки, АБШ-ын вә үмумијјәтлә Гәрбин Ҹәнуби Гафгазла јанашы, Азәрбајҹана мүнасибәтләрлә мөвгеләриндә көклү дәјишикликләрин вахты чохдан чатыб.
"Иш орасындадыр ки, бизим АБШ вә НАТО-ја олан үмидләримиз вахтилә чох бөјүк иди. Һесаб едирдик ки, Гәрб өлкәләринә даһа јахын сијасәт јүрүтмәјә башлајандан, онларла бир сыра саһәләрдә актив әлагәләр гурандан сонра һәмин дөвләтләр гаршылыглы әмәкдашлығы сүрәтләндирәҹәк, бәзи проблемләрин һәллиндә бизә көмәк едәҹәкләр. Лакин тәәссүфләр олсун ки, буну ҝөрмәдик. Әвәзиндә 907-ҹи дүзәлиш индијәдәк ләғв едилмәјиб, АБШ Конгреси һәр ил Дағлыг Гарабағдакы сепаратчы режимә јардымлар үнванлајыр, Ермәнистана көмәкләр азалмыр вә с. Бунунла белә, АБШ стратежи партнјорумуз олараг галыр вә үмидләримиздән дә имтина етмирик. Үмидләр галыр. Лакин АБШ вә НАТО-дан даһа реал, даһа конкрет аддымларын атылмасыны ҝөзләјирик.Ҝ Чүнки бүтүн бунлара мәна олаҹаг һеч нә јохдур", - Ф.Садыгов сөјләди.
Онун сөзләринә ҝөрә, фактики олараг, АБШ вә НАТО һәлә дә сејредиҹи мөвгедәдир.
Дүшүнүрәм ки, белә мүзакирәләр вә ҝөрүшләр реал, позитив, Азәрбајҹанын хејринә олан нәтиҹәләрә ҝәтириб чыхарсын", - Ф.Садыгов деди.
Диггәт: Хәбәрдән истифадә етдикдә мәнбәјә истинад лазымдыр
