Әһли Бејт АБНА хәбәр аҝентлијинин вердији хәбәрә әсасән: Иран, Ираг вә Сурија арасында газ кәмәринин тикинтиси илә бағлы јахын ҝүнләрдә үч өлкәнин нефт назирләринин иштиракы илә илк сәнәд имзаланаҹаг. Буну Иранын нефт назиринин мүавини вә Милли Газ Ширкәтинин иҹрачы директору Ҹавад Оҹи дејиб.
Оҹи әлавә едиб ки, өтән һәфтә Бағдадда Иран, Сурија вә Ираг рәсмиләри арасында газ кәмәринин тикинтиси вә газын нәгли илә бағлы мүзакирәләр кечирилиб.
Онун сөзләринә ҝөрә, үч өлкә рәсмиләринин разылығына әсасән, Иранын "Ҹәнуб Парс" лајиһәси чәрчивәсиндә һасил олунан газ бу үч өлкәнин әразисиндән кечәрәк Ливан, Аралыг дәнизи вә Авропаја нәгл олунаҹаг.
"Бунун үчүн 5600 километрлик газ бору кәмәри тикиләҹәк. Кәмәрин суткалыг ҝүҹү 110 милјон кубметр олаҹаг", - Оҹи дејиб.
Онун сөзләринә ҝөрә, бу кәмәрин тикинтиси үчүн 5-6 милјард доллар вәсаит сәрф олунаҹаг.
"Газ бору кәмәринин иншасына сәрмајә јатырмаг үчүн һазырда бир хариҹи ширкәтлә данышыглар апарылыр. Јахын ҝүнләрдә һәмин ширкәтлә сазиш имзаланаҹаг", - Оҹи гејд едиб.
Гејд едәк ки, Авропалыларын әсас газ мәнбәсини Русија тәмин едир. Бу да русларын гыш мөвсумунда авропалылры, һәфтәләрлә газсыз гојмаг минваны илә өз сијаси һәдәфләринә ҝәтириб чыхардыр. Бу мәҹбуријјәтдән, авропалылар өзләринин Иран Ислам Республикасына гаршы гојдуглары санксијалары позмаг зәруријјәтиндәдиләр.
Диггәт: Хәбәрдән истифадә етдикдә мәнбәјә истинад лазымдыр
