Әһли Бејт -АБНА- хәбәр аҝентлијинин вердији хәбәрә әсасән: Мајын 6-да Тәһсил Назирлијинин гаршысында орта мәктәбләрдә һиҹабын гадаған едилмәсинә гаршы динҹ аксија кечирилмишдир. Аксијачылар һиҹабын гадағасына гаршы шүарлар сәсләндирмишләр. Аксијанын динҹ характерли олмасына бахмајараг, полис онлара гаршы зоракылыг етмиш, чохлу сајда инсаны һәбс етмишдир. Бөјүк сајда инсана гаршы гејри-инсани рәфтар тәтбиг едилмиш, зоракылыг ҝөстәрилмишдир.
Һүгуг мүдафиәчиси Новелла Ҹәфәроғлу баш верәнләрлә әлагәдар "Дејерлер.орҝ"а данышыб: "Һәр бир инсанын етираз етмәјә ихтијары вар. Бу һалда полис зоракылығы олмамалыдыр, бу, јолверилмәздир. Онлар да һәбс олунмамалыдырлар. Биз һүгуг мүдафиәчиси кими буну һәр заман демишик, дејирик дә. Бу мәсәләләри һәмишә диггәтдә сахлајырыг. Белә һаллар истәр һиҹабла бағлы олсун, истәрсә дә башга бир мәсәлә илә бағлы - фәрги јохдур, мөвгејимизи һәр заман билдирмишик".
Новелла ханым һәмчинин сахланылан инанҹлыларын азад олунмасы истигамәтиндә дә фәалијјәт ҝөстәрәҹәкләрини деди: "Бу мәсәлә илә бағлы сөзсүз ки, аддымлар атаҹағыг".
Диггәт: Хәбәрдән истифадә етдикдә мәнбәјә истинад лазымдыр
