Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда орта мәктәбләрә силаһ верилмәмәси ибтидаи һәрби һазырлыг дәрсләринин јүксәк сәвијјәдә тәшкил олунмасына мане олур. Тренд-ин мәлуматына ҝөрә, бу барәдә "Азәрбајҹан ҝәнҹлији 2011-2015-ҹи илләрдә" Дөвләт Програмынын һазырланмасы мәгсәдилә кечирилән иҹтимаи мүзакирәләрдә чыхышы заманы тәһсил назиринин мүавини Елмар Гасымов билдириб.
"Мүдафиә Назирлијинин хүсуси әмри илә мәктәбләрдә тәҹрүбә мәгсәдилә силаһларын верилмәси гадаған едилиб. Назирлијин бу гадағасы ҝөтүрүлмәлидир ки, мәктәбләрә силаһ верилсин. Мүдафиә Назирлији дә "Азәрбајҹан ҝәнҹлији 2011-2015-ҹи илләрдә" Дөвләт Програмынын һазырланмасы просесинә ҹәлб олунмалы вә бу әмр ләғв едилмәлидир", - Гасымов әлавә едиб.
Азәрбајҹан Президенти "Азәрбајҹан ҝәнҹлији 2011-2015-ҹи илләрдә" Дөвләт Програмынын һазырланмасы барәдә сәрәнҹам имзалајыб.
Президент Илһам Әлијев апрелин 22-дә мүхтәлиф саһәләрдә уғурлар газанмыш бир груп ҝәнҹ вә тәләбә ҝәнҹләр тәшкилатларынын нүмајәндәләри илә кечирдији ҝөрүш заманы гејд едиб ки, һәмин програмда һәрби һазырлыгла бағлы хүсуси јер ајрылмалыдыр.
Диггәт: Хәбәрдән истифадә етдикдә мәнбәјә истинад лазымдыр
