Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Президенти апрелин 6-да "Азәрбајҹан ҝәнҹлији 2011-2015-ҹи илләрдә" Дөвләт Програмынын һазырланмасы һаггында сәрәнҹам имзалајыб. Сәрәнҹамда Президент Администрасијасына ики ај әрзиндә Дөвләт Програмы лајиһәсинин һазырланыб дөвләт башчысына тәгдим едилмәси тапшырылыб.
Бунунла әлагәдар чәршәнбә ахшамы Бакыда "Азәрбајҹан ҝәнҹлији 2011-2015-ҹи илләрдә" Дөвләт Програмынын һазырланмасы үзрә иҹтимаи мүзакирәләр кечирилиб. Мүзакирәләр заманы Азәрбајҹан Президенти Администрасијасынын Сијаси тәһлил вә информасија тәминаты шөбәсинин мүдири Елнур Асланов белә чыхыш едиб: Азәрбајҹанын үмумтәһсил мүәссисәләринин тарих дәрсликләринә өлкәнин тарихи илә бағлы дәјишикликләр едилмәлидир.
Асланов “Азәрбајҹан ҝәнҹлији 2011-2015 -ҹи илләрдә" Дөвләт Програмынын һазырланмасы үзрә иҹтимаи мүзакирәләр заманы билдириб: "Азәрбајҹан Тәһсил Назирлији илә бу истигамәтдә мүвафиг ишләр апарылаҹаг"
Гејд едәк ки, Азәрбајҹан тарихинин мүхтәлиф тәһрифләрә мәруз галмасынын илк башланҹығы Рус Тезарынын мүсәлман торпагларыны зәбт етдикдән бәри, јәни мүсәлманларла руслар арасында бағланан ики сүлһ мүгавиләсиндән (Ҝүлүстан вә Түркмәнчај мүгавиләләри) сонра баш вермишдир. Даим актуал олан проссес кечән әсрин әввәлләриндән бәри даһада шиддәтләнди. Белә ки, 1930-ҹу илләрин ахырларына гәдәр индики Азәрбајҹан әразиләриндә јашајанлара мүсәлманлар адландырмышлар. Мәһз буна ҝөрәдә ермәниләрин Азәрбајҹан әразисиндә јашајанлары вәһшиҹәсинә сој гырым етмәсинә Ермәни вә Мүсәлман давасы демишләр. 1940-ҹы илләрдән ССР-нин дағылмасы ҝүнүнә кими Азәрбајҹан тарихинин тәһриф едилмәси сәнҝимәк билмәди. Азәрбајҹанын өз мүстәгиллик дөврүнү јашадығы анлар ҝәлиб чатдыгда да белә тәһрифләрин даһада ҝениш мигјас алмасынын шаһиди олдуг.
Диггәт: Хәбәрдән истифадә етдикдә мәнбәјә истинад лазымдыр
