Әһли Бејт -АБНА- хәбәр аҝентлијинин вердији хәбәрә әсасән: Ислам Ингилабынын Бөјүк Рәһбәри Имам Хамнеи бујуруб: Иран халгы вә Ислам Республикасы гурулушу реҝион халгларынын әзәмәтли гијамлары силсиләсиндә һәмишәкиндән артыг халгларын диггәтини чәкди вә һөрмәт газанды.
Ислам Ингилабынын Бөјүк Рәһбәри Һәзрәт Ајәтуллаһ әл-Үзма Хаменеи бу ҝүн апрелин 27-дә Иранын мүхтәлиф јерләриндән минләрлә фәһләни гәбулу заманы реҝион мәсәләләри вә Иран гаршысында дүшмәнләрин ифласа уғрамаларына тохунараг бујуруб: Реҝионун сабаһы халгларын Ислам јолунда сәјинин бәрәкәти вә һәрәкәти илә буҝүнкүндән даһа јахшы олаҹагдыр.
Ислам Ингилабынын Бөјүк Рәһбәри дејибләр: Империализм гурулушу Иран Ислам Республикасына зәрбә вурмаг үчүн сәјләрини давам етдирдиләр. Онлар Ираны тәҹрид етмәклә Ислам гурулушунун диҝәр халглара илһамвериҹи олмамасыны истәјирдиләр. Лакин Иран халгы вә Ислам Республикасы реҝион халгларынын гијамларында һәмишәкиндән даһа чох халгларын диггәтини ҹәлб етди вә һөрмәт бәсләмәләринә сәбәб олду. АБШ һөкумәти дә реҝион халгларынын зеһнләриндә ән мәнфур һөкумәтләрдәндир.
Бејнәлхалг Фәһлә Ҝүнү әрәфәсиндә баш тутан бу ҝөрүшдә сөзләринин давамында инкишафы Иран халгынын ајдын вә гәти талеји адландыран Бөјүк Рәһбәр Исламда фәһләнин өнәмли јеринә тохунараг билдириб: Бүтүн һөкумәт вә гејри-һөкумәт органлары вә халгын "Игтисади Ҹиһад или"нин лазыми мәсәләләринә садиг галмалары Иранда бөјүк инкишафын баш вермәсинә сәбәб олаҹаг.
Һәзрәт Ајәтуллаһ әл-Үзма Хаменеи хатырладыб ки, дүшмән мәдәнијјәт, тәһлүкәсизлик вә сијасәт саһәсиндә дүшмәнчиликдән әлавә Исламла вә Ислам Республикасы илә мүбаризәни әсасән игтисадијјат үзәриндә гуруб. Елә буна ҝөрә дә бәсирәтли олараг дүшмәнә гаршы мүбаризә вә ҹиһада еһтијаҹ вар.
Диггәт: Хәбәрдән истифадә етдикдә мәнбәјә истинад лазымдыр
