Әһли Бејт -АБНА- хәбәр аҝентлијинин вердији хәбәрә әсасән: Өтән ҝүн Имам Хомејни Али Мәдрәсәсиндә Доктор Рәһимпур Әзғәди илә ҝөрүшдә алим иҹтимаи-сијаси вә әхлаг мөвзуда чыхыш етди.
Доктор Рәһимпур билдирди ки, дүнјада бир сыра сијаси просесләр баш верир. Бурада онларла өлкәдән тәһсил алан тәләбәләр бир-бирләри илә даим сых әлагәдә олмалы, өз дөвләтләриндә баш верән һадисәләри вә проблемләри бир-бирләрилә бөлүшмәлидирләр.
Даһа сонра “биз неҹә едә биләрик ки, шиәлик етигады дүнјада өз лајигли мөвгејини тутсун?” суалы ҹавабландырылды.
Алим билдирди ки, шиәлијин дүнјада лајигли јер тутмасы вә инсанларын бу етигады гәбул етмәләри вә рәғбәт бәсләмәләри үчүн “әхлагдан” башламалыјыг. Доғрудур шиәлик дедикдә Имам Әлинин (ә) вилајәтуни гәбул едәнләр баша дүшүлүр, амма бу мәсәлә гејри-шиә мүсәлманлар үчүн о гәдәр дә өнәмли дејил. Биз шиәлији јалныз өз әхлагымызла тәблиғ едә, рәғбәт ојада биләрик.
Имам Садиг (ә) бујурур: Әҝәр кимсә шиә олдуғуну иддиа едәрсә,буна әсаслы дәлил ҝәтирмәлидир. Сорушулур ки, бу әсаслы дәлил нәдир? Бујурур: Аллаһын һарамыны һарам, һалалыны һалал билмәли вә заһирлә батин ејни олмалыдыр.
Бу ҝүн бәзи инсанларын мүхтәлиф өлкәләрдә өзләрини шиә адландырмалары батилдир. Чүнки һамымыза мәлумдур ки, инсанларын бөјүк әксәријјәти һалал- һарам мәсәләләринә риајјәт етмир вә заһирлә батин арасында бөјүк учурум вардыр.
Бундан башга бујурду ки, инсанын шиә олмасы үчүн мәлум алты хүсусијјәтдән бири “өзү үчүн арзуладығыны башгасы үчүн арзуламаг”дыр.
Фигһ, кәлам, фәлсәфә вә с. дин елмләри јалныз васдитәдир, бурада әсас һәдәф јалныз нәфсин тәмизләнмәсидир.
Имам Садиг (ә) бујурур: Еј Мәһәммәд (с) шиәләри: Бир кәсин сөһбәти заманы башгасынын бу данышыгдан хошу ҝәлмәзсә вә нифрәт едәрсә, һәмин кәс биздән дејил.
Биз Авропада бејнәлхалг конфрансда Ислам дининдән данышдыг. Сонра билдирдим ки, әҝәр бу ҝүн Авропа Мәһәммәди танысајды, Авропада секулјаризм олмазды. Чүнки христианлыг вә башга динләрин бир сыра әхлагы проблемләри вардыр вә онлар Пејғәмбәри ҝүнаһ едән, шәраб ичән, јалан данышан билирләр. Әхлаг проблеми олан кәс неҹә башгалары үчүн нүмунә ола биләр.
Гуран Исаны мәсум елан етди, Гуран Һәзрәт Мәрјәми пак бакирә гәбул етди.
Суал верилди ки, сиздә зинакар гадынын дашгалаг едилмәси, оғрунун әлинин кәсилмәси вә с мәсәләләри неҹә изаһ едәрдиниз?
Билдирдим ки, әввәла дашгалаг мәсәләсиндә гадын вә киши арасында фәрг јохдур. Бундан әлавә дашгалаг сизин өз китабынызда мөвҹутдур. Дејәсән сиз һеч өз китабынызы охумурсуз. Икинҹиси әлин кәсилмәси вә дашгалаг сәрт шәртләрдән сонра гәбул олунур. Әлавә Ислам буну аилә бүнөврәләринин сарсылмамасы үчүн етмишдир.
Сонда алим билдирди ки, бир рәвајәтә ҝөрә “ Аллаһы разы салмаг инсанлары разы салмагла мүмкүн олур. Инсанлары разы салмадан, Аллаһын разылыгыны газанмаг олмаз!”
Пејғәмбәр (с) бујурур: Мән ахирәтдә инсанлара һамыдан даһа чох хидмәт едән шәхс кими танынаҹағам. Мәнә јахын олан инсанлара даһа чох хидмәт едән шәхсдир.
Сонда инсанларын гәлбләрини фәтһ етмәк бизим өзүмүздән, рәфтарларымыздан, әхлаги хүсусијјәтләримиздән асылыдыр. Ҝәлин шиәлијин ләјагәти үчүн өз әхлагымызы ислаһ едәк!
...Сонда бир сыра суаллара ҹаваб верилди вә мәҹлис сона чатды.
Диггәт: Хәбәрдән истифадә етдикдә мәнбәјә истинад лазымдыр
