Әһли Бејт -АБНА- хәбәр аҝентлијинин вердији хәбәрә әсасән: Бу илин ијун ајында Азәрбајҹан Силаһлы Гүввәләр ҝүнү әрәфәсиндә нөвбәти ҝенишмигјаслы һәрби тәлимин кечирилмәси планлашдырылыр. Тәлимдә илк дәфә олараг Азәрбајҹан истеһсалы олан силаһ вә һәрби техникалар практики дөјүш шәраитиндә нүмајиш олунаҹаг.
Тәлимдә Азәрбајҹан истеһсалы олан атыҹы силаһлардан, реактив атәш системләри вә диҝәр артиллерија силаһларындан јерли мүәссисәләрдә истеһсал олунмуш дөјүш сурсатлары илә реал атышлар һәјата кечириләҹәк.
Бундан башга, Азәрбајҹан Мүдафиә Сәнајеси Назирлијинин «Парамоунт Ҝроуп» ширкәти илә бирҝә истеһсал етдији «Матадор» вә «Мараудер» типли нәглијјат васитәләри, модернизасија олунмуш техникаларын имканлары да нүмајиш етдириләҹәк.
Диггәт: Хәбәрдән истифадә етдикдә мәнбәјә истинад лазымдыр
