Әһли Бејт -АБНА- хәбәр аҝентлијинин вердији хәбәрә әсасән: 16 Апрел 2011 Мүстәгил Мүбариз Руһаниләр Ҹәмијјәти бәјанат верди Өтән ҝүн, 15 апрел 2011-ҹу ил тарихиндә Мүгәддәс Гум шәһәриндә Мүбариз Руһаниләр Ҹәмијјәтинин топлантысы кечирилиб. Ҹәмијјәтин али шура үзвләри Азәрбајҹан Республикасындакы сон иҹтимаи-сијаси дуруму мүзакирә едибләр. Һаҹы Зүлфүгар Микајылзадәнин истинтаг мүддәтиндә азад едилмәсини мүсбәт һал кими дәјәрләндирән али шура Һаҹы Мөвсүм Сәмәдовун һәбс мүддәтинин узадылмасыны өлкәдә гејри-сабитлик јаратмагда мараглы олан гүввәләрин нөвбәти аддымы кими дәјәрләндириб. Топлантынын сонунда МРҸ бәјанат гәбул едиб.
Бәјанатда билдирилир: “Республикада етибарлы сабитлијин тәмини истигамәтиндә ҝөрүлмүш тәдбирләрә санки мане олан бир гүввә вар. Һаҹы Зүлфүгарын азадлығы дини кәсими нә гәдәр разы салмышдыса Һаҹы Мөвсүмүн һәбс мүддәтинин узадылмасы бир о гәдәр бәдбинлик јаратды.
МРҸ республикада дини дәјәрләр уғрунда мүбаризә апаран бир гурум олараг бир даһа һакимијјәтин нәзәринә чатдырыр ки, етибарлы сабитлијә мүсәлман Азәрбајҹан халгы зәманәт вермәлидир. Нә гәдәр ки, һиҹаб гадағасы ләғв едилмәјиб, руһани вә диндарлар азадлыға бурахылмајыб, бу репрессијалары һәјата кечирәнләр ҹәзаландырылмајыб, өлкәдәки ҝәрҝинлик нәзарәтдән чыхаҹаг һәддәдәк ҝүҹләнәсидир.
МРҸ үмид едир ки, Һаҹы Зүлфүгар Микајылзадәнин азадлыға бурахылмасы тәсадүф јох, һакимијјәтин диндар кәсимин разылығыны газанмаг истигамәтиндә јеритдији сијасәтин тәркиб һиссәсидир вә бу сијасәт давам етдириләҹәк” .
Диггәт: Хәбәрдән истифадә етдикдә мәнбәјә истинад лазымдыр
