Әһли Бејт -АБНА- хәбәр аҝентлијинин вердији хәбәрә әсасән: Иҹтимаи Палата (ИП) апрелин 2-дә Фәвварәләр мејданында аксија кечириб. Јүзләрлә мүхалифәтчи мејдана ахышараг “Азадлыг!”, “ Истефа”, “Биз диктатор истәмирик” шүарларыны сәсләндириб. Кечирилән аксија илә бағлы Азәрбајҹан Ислам Партијасынын (АИП) сәдри Елчин Манафовдан мүнасибәт өјәрәндик вә о, тәшкил олунан нүмајиши халгын ифадә азадлығы ким гијмәтләндирди. “Билирсиниз, кечирилән аксијалар әһалинин наразы олдуғуну вә ҹамаатын аксија кечирмәкдә исрарлы олдуғуну ортаја гојуб. Тәшкил олунан нүмајиш исә әһалинин һаглы етиразы олуб. Фикримҹә, аксија иштиракчыларына гаршы вәһши рәфтар ганунсуздур вә бу, бизи нараһат едир. Ҝәрәк әслиндә белә олмајајды вә инсанлары бу һәддә чатыдырмајајдылар. Әҝәр аксија иштиракчылары үчүн лазым олан трибуна ајрылсајды, просесләр бу јерә ҝәлмәзди”-дејә АИП сәдри билдириб.
Азәрбајҹан Ислам Партијасынын сәдри Елчин Манафов аксијадан бир ҝүн әввәл өлкәдә танынмыш руһаниләрин, тәшкилат сәдрләринин вә садә диндарларынын һәбс олунмасына да өз етиразыны билдирди: “Руһаниләрин тутулмасыны бирмәналы олараг писләјирәм вә бу, демократијанын, инсан һаггларынын боғулмасыдыр. Үмумијјәтлә руһаниләрин вә тәшкилат сәдринин ҝүлүнҹ әсасларла һәбс олунмасы, онларын ганунсуз тутулмасынын бариз нүмунәсидир. Мән һәбс олунан шәхсләри шәхсән таныјырам вә онларын һансыса ҹинајәт төрәтдијини дүшүнмүрәм. Бу үздән онларын сахта әсасларла һәбс олунмасы гәбуледилмәздир”.
Фаҹебоок сосиал шәбәкәсиндә “8 Апрел Гәзәб Ҹүмәси” адлы групун әслиндә Ислам Партијасы фәалларына тәрәфиндән ачылмадығыны сөјләјән АИП сәдри, бу групда партијанын мөвгеји илә ујғун олмајан фикирләрин јерләшдирилә биләҹәјини гејд етди. “Мән баша дүшүрәм ки, өлкәдә наразы олан кифајәт гәдәр күтлә вар вә онларын әкәсријјәтини дә ҝәнҹләр тәшкил едир. Онлар өз етиразларыны билдирмәк үчүн сосиал шәбәкәләрәдә актив фәалијјәт ҝөстәрир вә һәтта партијанын митинг кечирмәк истәдији тархилә бағлы груп ачыблар. Бу, тәгдир олунан вә чох хош һалдыр. Амма бир шеји гејд етмәк истәјирәм ки, бу групларда партијанын мөвгеји илә ујғун олмајан фикирләр сәсләнә биләр. Буна ҝөрә, әввәлҹәдән гејд едим ки, митингин кечирилмә мәгсәди һакимијјәти девирмәк јох, һакимијјәтә халгын истәјини чатдырмагдыр”-дејә Елчин Манфов әлавә едиб.
Диггәт: Хәбәрдән истифадә етдикдә мәнбәјә истинад лазымдыр
