Әһли Бејт -АБНА- хәбәр аҝентлијинин вердији хәбәрә әсасән:Франса һөкумәти, Ливијаја гаршы һәрби әмәлијјатларын бир нечә саат әрзиндә башлајаҹағыны ачыглајыб. Мөвзу илә бағлы иҹтинаијјәтә мәлумат верән Франса һөкумәтинин рәсмиси Франсуа Баруен, "Һүҹумлар дәрһал, бир нечә саат әрзиндә башлајаҹаг"-дејә билдириб.
Гејд едәк ки, франсалы дөвләт рәсмиси, Ливијаја һәрби мүдахиләнин ишғал мәнасыны вермәдијини вә бунун үсјанчылара көмәк олдуғуну сөјләјиб.
Хатырладаг ки, һәрби әмәлијјатын характери барәдә һәләлик ачыглама верилмәсә дә, сөһбәт мүхалифләрин галасы олан Бингази шәһәринә доғру ирәлиләјән Гәддафи гүввәләринә гаршы һава зәрбәләринин ендирилмәсиндән ҝедир. Франсадан сонра Норвеч һөкумәти дә һәрби әмәлијјата гошулмаға һазыр олдуғуну бәјан едиб. Данимарка парламентинин дә һәрби әмәлијјатда иштирак барәдә гәрар гәбул едәҹәји ҝөзләнилир
Диггәт: Хәбәрдән истифадә етдикдә мәнбәјә истинад лазымдыр
