Әһли Бејт -АБНА- хәбәр аҝентлијинин вердији хәбәрә әсасән: Ливија лидери Мүәммәр Гәззафи вә Әрәб Дөвләтләри Лигасынын баш катиби Амр Муса Венесуела президенти Уго Чавесин Ливија мүнагишәсинин сүлһ јолу илә низамланмасы планына разылыг верибләр.Хәбәрә ҝөрә, Чавес һәр ики шәхслә телефон данышығы апарараг планыны реаллашмасына разылыг алыб. План Ливијаја Латын Америкасы, Авропа вә Јахын Шәрг өлкәләриндән тәшкил олунмуш васитәчи миссијанын ҝөндәрилмәсини нәзәрдә тутур. Миссија мүнагишә тәрәфләри илә данышыглар апараҹаг вә Ливијаја хариҹи һәрби мүдахиләнин гаршысыны алаҹаг. Хатырладаг ки, Мүәммәр Гәззафи Ливијада чохлу сајда инсан өлүмү фактыны арашдырмаг үчүн БМТ-дән тәһгигат групу ҝөндәрилмәсини тәклиф едиб. Гәрбә месаж верән Ливија лидери билдириб ки, һәр һансы хариҹи һәрби мүдахилә минләрлә ливијалынын өлүмүнә сәбәб олаҹаг. Әрәб Өлкәләри Лигасы Хариҹи Ишләр Назирләри Шурасы да Ливијаја хариҹи мүдахиләни гәти шәкилдә рәдд едиб. Хатырладаг ки, Ливијада 3 һәфтәдир давам едән иғтишашларда чохлу сајда инсан өлүб. Јерли һүгуг мүдафиәчиләри мүхалифәтлә Гәззафи тәрәфдарларынын гаршыдурмасында өләнләрин сајынын 6 мин нәфәри кечдијини билдирир.
Диггәт: Хәбәрдән истифадә етдикдә мәнбәјә истинад лазымдыр
