Әһли Бејт -АБНА- хәбәр аҝентлијинин вердији хәбәрә әсасән: мәркәзи офиси Лондон шәһәриндә јерләшән "Ислам Инсан Һаглары" тәшкилаты Истанбул шәһәриндә Азәрбајҹанда баш верән исламофобија мөвзусунда конфранс кечирмәји планлашдырыр. Бу илин март ајында тәшкил олунаҹаг конфрансда Азәрбајҹан, Русија, Украјна, Инҝилтәрә, Малазија, Америка, Ҹәнуб Африка, Иран, Канада, Дағыстан, Ҝүрҹүстандан олан инсан һагглары мүдафиәчиләри иштирак едәҹәк. Тәдбирдә Азәрбајҹанда орта мәкәтбләрдә һиҹабын гадаған олунмасы, мәсҹидләрин сөкүлмәси вә руһаниләрин һәбси әсас мөвзу олаҹаг. Бунунла бағлы конфранс иштиракчыларынын бирҝә гәтнамә гәбул едәҹәји дә билдирилир.
Гејд едәк ки, март ајынын 6-да кечириләҹәк јығынҹаға Түркијәнин бир сыра тәшкилат вә партијаларынын үзвләри дә гатылаҹаг. Конфранс заманы Азәрбајаҹан Ислам Партијасынын һәбс олунмуш лидери Мөвсүм Сәмәдов вә нүфузлу руһани Зүлфүгар Микајылзадәнин дә араларында олдуғу 19 мәһбусун азадлығы үчүн јекун бәјаннамә гәбул олунаҹаг.
Диггәт: Хәбәрдән истифадә етдикдә мәнбәјә истинад лазымдыр.
