Бисмиллаһир-рәһмани-рәһим.
Әллаһуммә сәлли әла муһәммәдин вә али муһәммәд.
Азәрбајҹанда һиҹаб мәсәләсини, Азәрбајҹан һөкумәтинин һиҹаб гадағасына вә һиҹаб гадағасына етираз етдикләри үчүн тутулуб зинданлара салынан Ислам топлумунун лидерләрини, алимләрини јада салмаг истәјирәм. Һиҹаб мәсәләси, тәһсил оҹагларында һиҹабын јасагланмасы садәҹә Азәрбајҹанын, Түркијәнин, Авропа өлкәләринин, јахынлара гәдәр Тунисин дејил, илк нөвбәдә дүнја ҝүҹләринин бејнәлхалг бир планыдыр. Јәни бу план Ислам дүнјасында милләтләр, мүсәлман халгларын ојанышынын, ислами мүгәддасата јөнәлмәсинин вә ислами һүрријјәтин символу олараг һәдәфә алыныб. Јәни дүнјанын һарасында һиҹаблы ханымлар, мәктәблиләр олса, мәктәбләрдә, университетләрдә ислами бир ојанышын, ислами бир ҹанланманын, ислами бир һүрријјәтин варлығы ҝөрүнүр вә гәбул едилир. Долајысы илә һәм бејнәлхалг сионизм, һәм империализм Ислам дүнјасында әлалтылары васитәси илә һиҹаб проблеми јаратдылар. Онлар мәктәбләрдә, дөвләт идарәләриндә һиҹабы јасагладылар, һәтта бәзи мәмләкәтләрдә һиҹаблы бир ханымын хәстәханада мүалиҹәсини әнҝәлләдиләр.
Бунун Түркијәдә өрнәкләри вар. Бурада ифадә етмәк истәдијим нөгтә бу ки, һиҹаб јасағы глобал, бејнәлхлаг анламда олан бир һадисәдир. Авропа өлкәләриндә дә бунун өрнәкләри вар. Бир тәрәфдән демократија, инсан һаглары дејән өлкәләрдә һиҹаб јасағы вар. Демократијадан дәм вуран Франсада һиҹаб јасағы вар. Башга Авропа өлкәләриндә һиҹаб јасағы вар.
Беләҹә, Азәрбајҹанда һиҹабын јасагланмасы бејнәлхалг империализм вә сионизмин глобал планларынын бир парчасыдыр. Һиҹаб гадағасы садәҹә Азәрбајҹан һөкумәтинин локал, јәни мәһәлли бир гәрары дејил. Бу, бејнәлхалг империалист вә сионист мәркәзләрдә һазырланан лајиһәнин Азәрбајҹан үзәриндә сынағыдыр.
Түркијәдә дә бу шәкилдә һадисәләр баш вериб. Түркијәдә һиҹаб јасағы башлајанда бу мәсәләнин архасында әслиндә сионизм варды. Дејәҹәксиниз ки, неҹә сионизм варды, һиҹабы јасаглајан Түркијә һөкумәти дејилдими? Һөкумәт, Конститусија мәһкәмәси, мәҹлис, милләт вәкилләри, президентләр, орду ҝенераллары рол ојнајырды. Неҹә сүбута јетир бу мүддәа? Түркијәдә 28 шубат дејилән бир һадисә јашанды. Ислам јөнлү Рифаһ партијасынын, профессор Нәҹмәддин Әрбәканын һөкумәтә ҝәлишиндән сонра медиа – мәтбуат вә телевизија, мәһкәмәләр бу һөкумәти ашырмаг үчүн әл-әлә вердиләр. Бу тәлашларын сәбәби Рифаһ партијасы вә Әрбәканын Түркијәдә Гәрбин, Исраилин мәнафеләринә гаршы чыхмасы иди. Әрбаканын хариҹи сијасәтдә Ислам өлкәләри арасында бирлик үчүн чалышмасы, АБШ вә Исраилин Түркијәдәки сијасәтләринә гаршы чыхмасы бу һөкумәтин сүгуту үчүн тәмәл бир сәбәб иди. Бунун үчүн дахилдә бәһанәләр јаратдылар. Телевизијадан сахта ссенариләрлә сахта инсанлары, сахта диндарлары ортаја чыхарыб, әсил дини топлуму мүһавизәкар, көһнәпәрәст, ҝеригалмыш кими, агрессив нијәтли инсанлар олараг танытдырмаг истәдиләр. Бундан сонра Түркијәдә мүсәлман инсанларын фәалијјәтләринин террор фәалијјәтләри олдуғу дејилди вә террорун гаршысыны алырмыш кими ишә башладылар. Бир чох фәал мүсәлманлар шәрләнәрәк тутулду вә зинданлара атылды. Јалныз сонрадан сүбута јетди ки, бүтүн булар Тел-Әвив, Вашингтон режиминин әмри олуб. Вашигтон Түркијәдә исламчыларын, диндар инсанларын гаршысынын алынмасы үчүн бир һүҹум әмәлијјаты планлашдырыб вә буну сәфирликләр каналы илә һәјата кечириб. Јәни Анкарада АБШ сәфирлијинә Вашигтондан өзәл әмр ҝәлир. Әмр ҝәлир ки, ислами тәһлүкәләри арадан галдырмаг үчүн һәрәкәтә башлајын.
Орду мејдана дахил олмалыдыр – дејирләр. Бүтүн бу әмрләри сәнәд шәклиндә профессор Әрбакан телевезијада ҝөстәрди. Ејни заманда сионист дөвләтинин президенти Вејсман дејир: “Биз инанырыг ки, Ататүрк ордусу Әрбакана имкан вермәјәҹәкдир.” Буну демәк истәјирләр ки, Түркијә ордусу ислами бир шәхсијјәтин дөвләт гурмасына јол вермәз. Бәли, Вејсман 1996-ҹы илдә буну ачыг сөјләјир. Һәмин араларда Гүдс Ҝүнү нүмајишләриндә мән дә һәмин һадисәләрлә бағлы һәбс едилдим вә 17 ил иш алдым. 8 ил һәбсханада галдым. Бүтүн бунларын архасында дүнја империализминин Түркијәдә ојунҹаг бир һөкумәти иш башында сахламасы мәгсәди дурурду. Бу һадисәләр 28 шубат һадисәләри кими јадда галыб. 28 шубатын ән сәҹијјәви хүсусијјәти нәдир? Һәмин ҝүн ән кобуд шәкилдә тәһсил оҹагларында һиҹаб јасагланды. 28 шубатын мәгсәди үмуми олараг диндарлары сәһнәдән чыхармаг, хүсуси олараг дөвләт мүәссисәләриндә, тәһсил оҹагларында һиҹаба гадаға гојмаг иди. Бунун архасында дајанан исә сионистләр олду. Јәни Пентагон Анкарадакы сәфирлијинә тәлимат ҝөндәрир вә просесин бүтүн мәрһәләләри ардыҹыл олараг ајдынлашдырылыр. Бәли, Түркијәдә һиҹаб гадағасы һөкумәт, мәһкәмәләр васитәсилә һәјата кечирилсә дә, тәлимат АБШ вә Исраилдәндир. Азәрбајҹанда, Тунисдә, Мисирдә, Иорданијада, Сәудијјә Әрәбистанында динә гаршы гадағалар бејнәлхалг империализм вә сионизмин Ислам дүнјасына гаршы савашынын дәлилләридир. Азәрбајҹанда һиҹаб гадағасы бејнәлхалг бир лајиһәнин тәркиб һиссәсидир.
Әҝәр бу мәсәләни бејнәлхалг бир проблем олараг дүшүнмүрүксә, јанылырыг. Һиҹабын мүдафиәси ејни заманда бејнәлхалг империализм вә сионизмә гаршы бир мүбаризәдир. Һиҹаб гадағасыны тәһсил назири Мисир Мәрдановун вә ја башга дөвләт мәсулларынын гәрары кими дәјәрләндирмәк јанлышдыр. Онлар јалныз верилмиш әмри јеринә јетирирләр. Бу јени бир проблем дејил. Биз Түркијәдә 30 ил ејни проблемлә үзбәүз дајандыг. Бу проблемин архасында сионизмин дајандығыны вә неҹә һимајәдарлыг етдијини ҝөрдүк. Бејнәлхалг империализм бу әгидәдир ки, һиҹаб сијаси Ислам символудур. Онларын нәзәринҹә, һиҹаб ана вә нәнәләрин тарих боју башына бағладығы өртүк дејил. Һиҹаб кәндләрдә, тарлаларда итифадә едилән баш өртүсү кими гәбул едилмир. Дөвләт идарәләриндә, тәһсил оҹагларында истифадә едилән һиҹаб садәҹә өртүк јох, бир символдур. Дејирләр ки, һиҹаб сијаси Ислам символудур. Сијаси Исламы исә фундаментализм адландырырлар. Ислам радикализми дә дејирләр. Јәни баш өртүсү сијаси Исламын, фундаментализмин, радилакизмин символудур. Бәли, онлар һиҹабы белә
адландырырлар. Сонра да дејирләр ки, сијаси Исламы, Ислам фундаментализмини, Ислам радикализмини арадан галдырмалыјыг. Чүнки сијаси исламы империализм вә сионизмин мүсәлман өлкәләриндәки сијасәтләринин гаршысында ән ҝүҹлү мүгавимәт сипәри кими ҝөрүрләр. Дүшүнүрләр ки, сијаси Ислам олмаса бүтүн чиркин сијасәтләрини Ислам дүнјасында фәал едә биләрләр. Бәс сијаси Исламы јыхмаг үчүн нә лазым? Бу гәрардадырлар ки, һәмин мәгсәдә чатмаг үчүн сијаси Исламын меһвәрләриндән олан һиҹаб арадан галдырылмалыдыр.
Ардыны излә
13 феврал, 2011
