Әһли Бејт -АБНА- хәбәр аҝентлијинин вердији хәбәрә әсасән: Ҝәнҹә шәһәриндә һәбс олунан руһани Азәр Ҹәбијевлә полисләр арасында 12 феврала тәјин олунмуш узләшмә баш тутмајыб.
Бу барәдә Һаҹы Азәр Ҹәбијевин вәкили Елчин Намазов мәлумат вериб. Вәкил билдириб ки, полисләр үзләшмәјә ҝәлмәкдән имтина едиб: "Азәр Ҹәбијәв Низами Рајон Полис Шөбәсиндә сәс-күј салмагда, полисләрә зоракылыг ҝөстәрмәкдә иттиһам олунур. Тәрәфимиздән бу иттиһамын гондарма, полисләрин гурмасы олмасы вә тамамилә бөһтан олдуғу гејд олунараг, полисләрлә А.Ҹәбијәв арасында үзләшмә кечирилмәси барәдә вәсатәт верилмишди. Вәсатәт тәмин олунараг, 12 феврал тарихинә үзләшмә тәјин олмушду. Сәһәр еркәндән Ҝәнҹә шәһәриндә олсам вә дәфәләрлә мустәниглә әлагә сахласам да бүтүн ҝүн әрзиндә үзләшмә баш тутмады. Мустәнтигин созләринә ҝөрә полисләр үзләшмәјә ҝәлмәкдән имтина едибләр".
Е.Намазов полисләрин ҝеҹ дә олса јаландан үзә дајанмагдан имтина етмәсини јүксәк гијмәтләндирдијини дејиб: "Јәгин ки, онлара јүксәк сәвијјәдә ҝостәриш вәриләҹәк ки, А.Ҹәбијәвин үзүнә дајансынлар. Үмид едирәм ки, онлар бундан сонра да виҹданларына гулаг асараг, бу гондарма иш үзрә шаһидликдән имтина едәҹәкләр."
Диггәт: Хәбәрдән истифадә етдикдә мәбәјә истинад лазымдыр
