Февралын 9-да өлкәнин нүфузлу руһаниләриндән олан Һаҹи Әли Әли оғлу, Сәрдар Һаҹы Һәсәнли, Һаҹы Илһам Әлијев вә Һаҹы Васиф Нифтуллајев президент апаратынын иҹтимаи-сијаси шөбәсинин мүдир мүавини Таһир Сүлејманов илә ҝөрүшмүшдүр.
Әһли Бејт -АБНА- хәбәр аҝентлијинин вердији хәбәрә әсасән: Мәлумат верилдији кими февралын 9-да өлкәнин нүфузлу руһаниләриндән олан Һаҹи Әли Әли оғлу, Сәрдар Һаҹы Һәсәнли, Һаҹы Илһам Әлијев вә Һаҹы Васиф Нифтуллајев президент апаратынын иҹтимаи-сијаси шөбәсинин мүдир мүавини Таһир Сүлејманов илә ҝөрүшмүшдүр. Јахын ҝүнләрдә даһа әтрафлы мәлумат вериләҹәјини билдирән руһаниләр өз вәдләринә әмәл едәрәк ҝөрүшүн бүтүн тәфәрүфатларыны ФактХебер.ҹом-а ачыглајыблар. Өнҹәдән гејд етмәк лазымдыр ки, јанварын 24-дә “Тәзәпир” мәсҹидинә топлашмыш диндарлар гаршысында чыхыш едән руһаниләр сонракы аддым кими президент апаратына мүраҹиәт едәҹәкләрини, ҝөрүшүн нәтиҹәләрини мөминләрә чатдыраҹагларына даир сөз вермишдиләр. Беләликлә руһаниләр өз вәдләринә әмәл етдиләр. Руһаниләрин дедикләринә әсасән онлар апаратын мәсул әмәкдашы Таһир Сүлејмановла ҝөрүшәрәк илк өнҹә Һаҹы Әли Әли оғлу сөзә башламыш, гәбула ҝөрә тәшәккүр етмишдир. Сонра Һаҹы Васиф Нифтуллајев билдирмишдир: Биз јанвар ајынын 24-дә “Тәзәпир” мәсҹидинә топлашмыш миндән чох диндар вәтәндашларынын тәмсилчисијик. Гаршы тәрәф руһаниләрин кимлији илә марагланмыш, онларда ҹавабында Гум Елми һөвзәсинин мәзунлары олдугларыны билдирмишдиләр. Сонра үч мәсәлә илә бағлы нараһатлыгларыны дилә ҝәтирән руһаниләр мәктәбләрдә һиҹаб гадағасы илә әлагәдар диндарларын әзијјәт чәкдији, КИВ-дә дини тәһсил малик олмајан шәхсләрин дини әлејһинә фикир сөјләмәсиндән наразы олдугларыны, һиҹаб мәсәләси илә бағлы руһани вә диндарларын күтләви һәбсиндән нараһат олдугларыны өнә чәкмишләр.
Һиҹаб гадағасы илә бағлы Т.Сүлејмановун ҹавабы белә олмушдур: “Бу гәрар лап чохдан, һәтта 1992-ҹи илдән етибарән гәбул олунмушдур. Лакин буну тәтбиг етмәк үчүн лазыми шәраит олмадығындан кағыз үзәриндә галмышды. Јәни бу Азәрбајҹан дөвләтинин мөвгејидир. Һазырда бу гануну тәтбиг етмәк үчүн шәраит вардыр. Бүтүн орта мәктәб шаҝирдләри мәктәбә ејни формада ҝетмәли, касыб илә варлы арасында фәрг ҝөрүнмәмәлидир. Бу демократијанын тәләбидир”.
Бу ҹаваб руһаниләри гане етмәмишдир вә онлар билдирмишдиләр ки, демократија диндарлығын ләғвинә јөнәлик иш апармаг демәк дејил. Демократијаны гебул етмәк Аллаһсызлыг мәнасыны вермир. Биз күфрә сәс вермәмишик. Һиҹаб бизим динимизин бир парчасыдыр. Демократик ганунлар халгын милли-мәнәви дәјәрләрини, дини ајинләрини вә адәт әнәнәләрини нәзәрә алмалыдыр. Неҹә олур ки, демократијанын бешији гаранты һесб олунан АБШ кими һеҝемон бир дөвләтдә шаҝирдләрин мәктәбә һиҹабла ҝетмәси демократијаја зидд сајылмыр, амма әһалинин аз гала 100 %- нин дә мүсәлман олдуғу Азәрбајҹан кими бир дөвләтдә һиҹаб демократија илә ујғун һесаб олунмур?!
Т.Сүлејманов: “Биз һәр бир мәсәләдә АБШ-ы тәглид едә билмәрик дејәрәк ҹавабдан јајынды. Һиҹаб мәсәләси илә бағлы нә онун ҹавабы руһаниләри тәмин етмиш, нә дә руһаниләрин тутарлы дәлилләри гаршы тәрәфи өз мөвгејиндән чәкиндирә билмишдир. Гысасы, һиҹаб гадағасынын һәлли илә бағлы ортаг мәхрәҹә ҝәлә билмәјән тәрәфләр икинҹи мәсәлә, јәни КИВ-ин мәсәләси илә бағлы мәсул тәрәфин мөвејини динләмишләр. Ҹәнаб Сүлејманов бу барәдә демишдир: “КИВ илә бағлы бизимдә наразылығымыз вар. Мәсәлән тој олсун кими бәзи верилишләри бәјәнмирик. Лакин, билдијимиз кими белә програмлар өзәл телеканалларда јајымланыр вә һөкумәт онларын ишләринә мүдахилә етмәкдә аҹиздир. Һөкумәт јалныз АзТВ кими дөвләт телеканалларына тәсир ҝөстәрмә һүгугуна маликдир. Һәтта өзәл телеканаллар бәзән өлкә башчысы һаггында да тәһгирамиз ифадәләрә јол верирләр, лакин биз мүдахилә едә билмирик. Тәхминән 4 миндән чох гәзет, журнал вә с. гејдијјатдан кечмишдир. Биз онларын һамысына гарыша билмәрик”.
Ҹаваб јенә руһаниләри гане етмәдијиндән онлар өз ирадларыны билдирәрәк демишләр: "Бу өлкәдә Гырмызы хәттин олдуғуну һамымыз билирик. Мәсәлән биз ара АНС телеширкәти чәрчивәдән кәнара һәрәкәт етдији үчүн телеканалын мүәјјән мүддәтә бағландығынын шаһиди олдуг".
Ҹәнаб Сүлејманов АНС телеканалынын чәрчивәдән кәнара чыхдығына ҝөрә дејил, ҹинајәт ишләтдијинә ҝөрә бағландығыны вурғуласа да руһаниләр дөвләтин бу сусгунлуғунун демократија илә әлагәләндирилмәсини инандырыҹы һесаб етмәмишләр.
Сонра руһаниләр Һаҹы Мөвсүм Сәмәдовун, Һаҹы Зүлфүгар Микајыловун, Масаллыдан Һаҹы Фәрамизин, Ҝәнҹәдән Һаҹы Фәхри, Һаҹы Әбузәрин вә башга диндар вә руһаниләрин һәбси мәсәләсини өнә чәкмишләр. Онлары ҹавабландыран Т. Сүлејманов демишдир: “Бу шәхсләрин һеч бири һиҹаб илә әлагәдар һәбс едилмәмишдир. Онлар ҹинајәт маддәси илә сахланылмышдылар”.
Бу ҹавабла да разылашмајан руһаниләр һиҹаб мәсәләсиндән өнҹә бу өлкәдә руһани вә диндарларла һеч бир проблем вә гаршыдурманын јашанмадығыны, јалныз һиҹаб гадағасындан сонра бу проблемләрин јарандығыны вә һәлә дә давам етдијини гејд етмишләр.
Таһир мүәллим тез-тез вахтын азлығыны, нөвбәдә башга вәтәндашларынын олдуғуну өнә чәкәрәк сөһбәти битирмәјин лазым олдуғуну билдирирмиш.
Ҝөрүшдә руһаниләр сон олараг бу сөзләри дејиб ајрылмышдылар:“Мүһарибә шәраитиндә олан өлкәмиздә вәһдәтә чох еһтијаҹ вардыр. Динә гаршы һүҹумалрын гаршысында синә ҝәрән руһаниләрин бу мүгәддәс вәзифәсини ајры-ајры өлкәләрлә әлагәләндирмәк дүзҝүн дејил. Әҝәр руһанијјәт бу ҝүн ајаға галхырса бу онларын мәнсуб олдуғу динин тәләбидир. Ислам дининин өзүнү мүдафиәетмә механизми онун тәлиматлаынын дахилиндәдир. Бу дин өз тәлиматы вә маарифи сырасында мүдафиә механизмини дә инанҹлылара ашылајыр. Бу ҝүн Азәрбајҹанын сијасәтчиләри, игтисадчылары вә башга саһәдәки мүтәхәсисләри мүстәгил олдуғу кими Азәрбајҹанын руһаниләри дә мүстәгилдир. Азәрбајҹан руһаниләри өз динини мүдафиә едәрәк истигамәти ајры-ајры өлкәләрдән дејил Ислам дининдән алыр. Әҝәр динин һәр һансы бир саһәсинә һүҹум олунурса, гаршылыглы олараг руһаниләр вә диндарлар галхыб өз мәнәвијјатларыны мүдафиә едирләрсә вә бу заман руһаниләрин бу әмәли һансыса өлкәнин идеолоҝијасы илә үст-үстә дүшүрсә бунун ҝүнаһы руһаниләрдә дејил. Бу проблемин мәншәјини һансыса өлкәдә јох һиҹаб проблемини јараданларда ахтармаг лазымдыр”.
Бу өлкәмиздә јаранмыш вәзијјәтин ҝүнаһы руһаниләрдә јох динимизә јөнәлик олан белә нашы аддымлардадыр. Сонда Т. Сүлејманов ҝөрүшдә мүзакирә објекти олан мәсәләләри шөбә мүдири Әли Һәсәнова билдирәҹәјинә вә мүзакирә едәҹәкләринә даир руһаниләрә сөз верди.
Диггәт: Хәбәрдән истифадә етдикдә мәбәјә истинад лазымдыр
