Әһли Бејт -АБНА- хәбәр аҝентлијинин вердији хәбәрә әсасән: Бу ил јанварын 28-дән февралын 7-дәк Москвада (Русија) кечирилән әнәнәви Бејнәлхалг Шаһмат Фестивалында 35 өлкәдән 1347 шаһматчы мүхтәлиф рејтинг вә јаш групларында гәләбә уғрунда мүбаризә апарыб.
Фестивалда Ләнкәран шәһәр Шаһмат Мәктәби 1 һаким вә 4 шаһматчыдан ибарәт һејәтлә тәмсил олунуб.
15 јашлы шаһматчыларын јарышында 14 јашлы Ҹавидан Бабазадә 8 ојундан 6 хал топлајараг икинҹи нәтиҹәни ҝөстәриб вә мәктәблиләрин Авропа биринҹилијинә вәсигә газаныб. Мәктәбин диҝәр нүмајәндәси Елнур Әлијев 582 иштиракчы арасында 9 ојундан 6 хал топлајараг рејтингини 42,2 ваһид артырыб вә бејнәлхалг идман устасы алмаг үчүн лазым олан илк балыны топлајыб. Гејд едәк ки, бу норманы үч дәфә јеринә јетирән шаһматчы бејнәлхалг идман устасы адыны ала биләр.
9 јашадәк шаһматчылар арасында Мурад Рзајев 8 ојундан 5,5 хал, 11 јашлы шаһматчылар арасында Кәнан Әһәдзадә 4,5 хал топлајыблар. Команданын рәһбәри, Ләнкәран шәһәр Шаһмат Мәктәбинин директору Идрак Дадашов исә фестивала һаким гисминдә дәвәт алыб вә өз ишинин өһдәсиндән лајигинҹә ҝәлиб. И.Дадашов һәм дә бу илин апрел ајында Полшада кечирилән мәктәблиләрин дүнја биринҹилијинә һаким кими дәвәт олунуб.
Диггәт: Хәбәрдән истифадә етдикдә мәбәјә истинад лазымдыр
