Әһли Бејт -АБНА- хәбәр аҝентлијинин вердији хәбәрә әсасән: Дүнән Гаһирәдә Мисир диктатору Һүснү Мүбарәкин рәһбәрлији илә өлкә рәһбәрлијинин тәҹили иҹласы кечирилди.
Топлантыдан сонра Диктатор Мүбарәкин јени ачыглама илә чыхыш едәрәк кечмиш Мүлки Авиасија назири Әһмәд Шафиги өлкәнин јени баш назири вәзифәсинә, Мисир кәшфијјатынын рәһбәри Өмәр Сүлејманы исә өлкәнин 30 илдир бош галан витсе-президент постуна тәјин етди.
Сенсасија доғура билән мәсәлә өлкә диктатору Һүснү Мүбарәкин Мисир кәшфијјатынын рәһбәри Өмәр Сүлејманы өлкәнин витсе-президенти тәјин етмәсидир.
Гејд едәк ки, Мисирдә витсе-президент вәзифәси Һүснү Мүбарәк һакимијјәтә ҝәләндән - дүз 30 илдир ки, бош галыб. 1981-ҹи илдә Мисирин сабиг диктатору Әнвәр Садатын өлдүрүлмәсиндән сонра онун јеринә кечән витсе-президент Һүснү Мүбарәк о вахтдан бәри өзүнүн бошалмыш креслосунда һеч кимин отурмасына имкан вермәјиб.
Диггәт: Хәбәрдән истифадә етдикдә мәнбәјә истинад лазымдыр
