Әһли Бејт -АБНА- хәбәр аҝентлијинин вердији хәбәрә әсасән: Јәмәнин пајтахты Сана шәһәриндә 30 илдән чохдур өлкәни идарә едән президент Әли Абдулла Салеһин истефасы тәләби илә күтләви аксијалар башлајыб. Ннүмајишләрдә минләрлә адам иштирак едир. Митингләр Сана Университети дә дахил олмагла шәһәрин 4 нөгтәсиндә башлајыб. Нүмајишчиләр һөкумәт әлејһинә шүарлар гышгырыр.
Гејд едәк ки, јанварын 26-да Јәмәнин ҹәнубундакы шәһәрләрин бириндә Фуад Султан адлы сакин өзүнә од вуруб. О, ағыр дәрәҹәли јаныглар алыб. Интиһар ҹәһдинин сәбәби такси сүрүҹүсү ишләјән Ф. Султанын аиләсинин еһтијаҹларыны өдәмәкдә чәтинлик чәкмәсидир. Јәмән ән јохсул әрәб өлкәсидир. Өлкәдә ишсизлијин сәвијјәси 35 фаиздир. Әһалинин 40 фаизиндән чохунун ҝүндәлик ҝәлири 2 доллардан аздыр.
Хатырладаг ки, Тунисдә иҹазәсиз тиҹарәтлә мәшғул олан ҝәнҹ сатдығы мејвә-тәрәвәз полис тәрәфиндән мүсадирә едилдикдән сонра өзүнү јандырмыш, бундан сонра өлкәдә күтләви етиразлар башламышды. Даһа сонра Мисирдә ишсизлик, коррупсија вә һөкүмәтин гијмәтләри сахта јоллар илә јүксәк һәддә чыхартмасына етираз едән бир нечә нәфәр өзүнү јандырыб вә бу өлкәдә дә һакимијјәтә гаршы күтләви аксијалар башлајыб. Белә ҝедәрсә бүтөвлүкдә сионизимлә бағлы бүтүн дөвләтләрдә халг күтләси мөвҹуд игтидар муздурларына гаршы глхмагда давам едәҹәкләр.
Диггәт: Хәбәрдән истифадә етдикдә мәнбәјә истинад лазымдыр
