Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын Ләнкәран рајонунда узун мүддәт оғурлугла мәшғул олан груп үзвләри зәрәрсизләшдирилиб. Бу барәдә мәлуматы Ләнкәран Шәһәр Полис Шөбәсинин (ШПШ) истинтаг бөлмәсинин рәиси Полад Меһдијев вериб. Онун сөзләринә ҝөрә, рајонун Сүтәмурдов кәнд сакини Оруҹәли Гасымов әризә илә ШПШ-јә мүраҹиәт едәрәк, намәлум шәхсләрин ҝизли јолла онун евинә ҝирмәклә оғурлуг етдикләрини билдириб. Әризәјә мүвафиг олараг һәјата кечирилән әмәлијјат-ахтарыш тәдбирләри нәтиҹәсиндә рајонун Сүтәмурдов кәнд сакинләри, 1981-ҹи ил тәвәллүдлү Елшән Хејбәр оғлу Хосровов вә 1980-ҹи ил тәвәллүдлү Габил Һәзи оғлу Гурбанов шүбһәли шәхс гисминдә сахланылыблар. Илкин арашдырмалардан мәлум олуб ки, сахланылан шәхсләр габагҹадан груп һалында әлбир олараг О. Гасымовун евиндән 336 манат мәбләғиндә әмлакыны талајыблар. Истинтаг һәмчинин бу шәхсләрин Ләнкәран шәһәр сакинләри Емин Әбиловун евиндән 815 манат пулуну, Мәнсурә Әлијеванын евиндән 200 манат пулуну вә хејли мигдарда гызыл-зинәт әшјаларыны оғурладыглары да үзә чыхыб.
Е. Хосровов вә Г. Гурбанов истинтага вердикләри ифадәләриндә оғурлуғу наркотик васитәјә олан тәләбатларыны өдәмәк мәгсәдилә етдикләрини билдирибләр. Онларын һәр икиси барәсиндә һәбс гәти-имкан тәдбири сечилиб. Фактла бағлы Ләнкәран ШПШ-дә Ҹинајәт Мәҹәлләсинин 177.2.3 вә 177.2.1 маддәләри илә ҹинајәт иши ачылыб, арашдырмалар давам етдирилир.
Диггәт: Хәбәрдән истифадә етдикдә мәнбәјә истинад лазымдыр
