Әһли Бејт -АБНА- хәбәр аҝентлијинин вердији хәбәрә әсасән: Бу ҝүн базар ҝүнү (јанварын 23-дә) Иранын шималында јерләшән Ҝилан останынын мәркәзи Рәшт шәһәри әһалисинин әзәмәтли топлусунда чыхыш едән Иран Ислам Республикасы президенти Маһмуд Әһмәдинежад мүзакирәнин әдаләт вә һөрмәт әсасында олмасыны билдириб.
"Иранла 5+1 групу өлкәләри арасындакы мүзакирәләр Иран халгынын һүгуглары, диҝәр халгларын гануни һагларынын рәсми шәкилдә танынмасы истигамәтиндә олмалыдыр" дејә Маһмуд Аһмәдинежад гејд едиб.
Иранла 5+1 групу арасындакы бир нечә дөвр мүзакирәләрин һәјата кечирилмәсинә тохунан Иран һөкумәт башчысы сонра дејиб: Әҝәр гаршы тәрәф гәрарлы, әдаләт, ганун вә һөрмәтә өһдәликли оларса, ҝәләҹәк мүзакирәләрдә мүнасиб нәтиҹәләрин әлдә едилмәсинә үмид етмәк олар.
Әһмәдинежад сионистләрин Авропа, Америкадакы бәзи һеҝемончу вә гүдрәтпәрәст дөвләтләрин, мәсәләләрин јахшы формада һәлл едилмәсинә мараглы олмадыгларыны билдирәрәк, 5+1 групу өлкәләринә төвсијә едиб ки онларын тәзјигләринин тәсири алтына дүшмәсинләр.
Иран Ислам Республикасы президенти Иран халгыны мәнтиг, әдаләт , һөрмәт вә мәһәббәт әһли адландырараг белә әлавә едиб: Дүнја билмәлидир ки, бу халг зоракылар гаршысында дајанаҹаг вә зоракылары өз јерләриндә отурдаҹаг.
Диггәт: Хәбәрдән истифадә етдикдә мәнбәјә истинад лазымдыр
