Әһли Бејт -АБНА- хәбәр аҝентлијинин вердији хәбәрә әсасән: Сон заманлар Азәрбајҹанда бәзи актуал хәбәрләри јајан интернет сајтлара дахил олмаг чәтинләшиб. Белә ки, ҝүн әрзиндә мүәјјән хәбәр сајтлары мүхтәлиф үсулларла ифлиҹ вәзијјәтинә салынараг, охуҹулары гаршысында пис вәзијјәтә гојулур. Бу сајтларын ичинә www.faktxeber.com сајты да дахилдир.
Гејд едәк ки, өлкәдә сон заманлар сијаси репресијаларын ҝетдији бир дөврдә, “www.faktxeber.com ” интернет порталы вә онун әмәкдашлары, өлкәдә ҝедән сон дуруму изләјиҹиләрә чатдырмагда фәалијјәтләри илә јадда галыб. Бу оперативлијә ҝөрә, ҝениш изләјиҹи күтләсинин рәғбәтини газанан, гәрәрсиз вә актуал мәлуматлар јајымлајан” ФактХебер.ҹом” вә диҝәр интернет гәзетләрин бу аддымы мәһдудлашдырылмаға башлајыб.
Бәзи дүнја өлкәләриндә бу ҹүр просесләрин ҝетмәси артыг рәсми шәкилдә өз тәсдигини тапыб. Азәрбајҹанда да, бу барәдә бәзи рәсми ачыгламалар вахтикән верилиб. Интернет сајтларын ҝедишатына нәзарәт үчүн Нәзарәт-Тәфтиш комиссијасы јарадылаҹағы барәдә мәлуматлар, мәтбуатда өз әксини тапыб. Тәбии ки, бу мәлумат Азәрбајҹанын интернет дүнјасында бирмәналы гаршыланмајыб. Бундан сонра оператив хәбәр сајтлары бәзи һакер һүҹумларына туш ҝәләрәк, фәалијјәтиндә проблемләрлә үзләшир.
Мәлумат үчүн билдирәк ки, вахтикән ади һүҹумлар артыг ҝедиш мигјаслы һүҹумлара чеврилиб. Иш о јерә чатыб ки, интернет аҝентлијинин хәбәр лентинин гаршысыны алмаг үчүн, артыг сервер мәркәзләринә һүҹумлар тәшкил олунур. Бу исә ишин даһа да пешәкарлар тәрәфиндән апарылмасыны сүбут едир.
Үмид едирик ки, бу анлашылмамазлыг гыса мүддәтдә арадан галхаҹаг вә ҝөстәриш алан һакерләр - истәр һәмвәтәнләримиз , истәр сә дә хариҹиләр, өз гәрәзләриндән әл чәкәрәк оператив хәбәрләрин јајылмасына нәинки манеә олаҹаг, һәтта дәгиг-гәрәзсиз информасија јајан сајталара јардым едәҹәк.
Диггәт: Хәбәрдән истифадә етдикдә мәнбәјә истинад лазымдыр
