Әһли Бејт -АБНА- хәбәр аҝентлијинин вердији хәбәрә әсасән: Гарабағ Азадлыг Тәшкилаты Азәрбајҹан Ислам партијасынын рәһбәрләринин, бир сыра диндарларын ујдурма иттиһамларла һәбс олунмасыны гәтијјәтлә писләјир. Бу һәбс вә тәзјигләр јалныз ајры-ајры фәрдләрә гаршы дејил, Ислам дининә гаршы јөнәлмишдир. Бу һадисәләр, һәмчинин бир мүддәт әввәл һиҹабын гадағасы илә башланмыш просесләр Азәрбајҹан дөвләтинин дајагларынын зәифләдилмәсинә, сарсыдылмасына јөнәлмишдир. Ислам дини Азәрбајҹанын дөвләт атрибутларында, бајрағында өз әксини тапмыш вә Азәрбајҹан дөвләтчилијинин әсас дајагларындан биридир. Ислам дини Азәрбајҹан халгынын мәнәви-мәдәни дәјәрләринин, әхлаг вә адәт-әнәнәләринин, һәјат тәрзинин көкүндә дајаныр. Бу ҝүн Ислам дининә гаршы сәлиб јүрүшләринин јени мәрһәләси башланмышдыр. Бу јүрүш хариҹи гүввәләр тәрәфиндән һәјата кечирилир, һакимијјәтин дахилиндәки бәзи гүввәләр исә бу сијасәтин һәјата кечирилмәсиндә аләт ролуну ојнајырлар.
Ислам дининә гаршы јени сәлиб јүрүшү тәшкил едәнләр бир тәрәфдән Азәрбајҹан дөвләтинин дајагларыны сарсытмаға, диҝәр тәрәфдән исә, Азәрбајҹан ҹәмијјәтиндә гаршыдурма јаратмаға ҹәһд ҝөстәрирләр. Ишғалчы Ермәнистанла үз-үзә галан, өлүм-дирим мүбаризәсиндә олан Азәрбајҹан ҹәмијјәти үчүн гаршыдурма вә парчаланма мејлләри чох ҹидди фәсадлар төрәдә биләр. Биз һесаб едирик ки, һакимијјәт бу тәһлүкәли сијасәтдән ҝери чәкилмәли, һәбс олунмуш диндарлары азад етмәли, бәзи хариҹи гүввәләрин өз мәкрли нијјәтләрини Азәрбајҹанда реаллашдырмасына имкан вермәмәлидир.
Диггәт: Хәбәрдән истифадә етдикдә мәнбәјә истинад лазымдыр.
