Иранын МАГАТЕ-дәки тәмсилчиси Әли Әсҝәр Солтанијә чәршәнбә ҝүнү ( 5 јанвар ) Әл-Аләм телеканалына вердији ачыгламасында бејнәлхалг тәшкилатларын ИИР-нын бу аддымыны мүсбәт гаршыламасына тохунараг билдириб.
Теһранын бу рәфтары бир даһа Иранын нүвә фәалијјәтләринин сүлһмәрамлы олмасыны сүбута јетирмәси үчүн даһа бир фүрсәтдир.
ИИР-нын бу һөкумәт рәсмиси әлавә олараг дејиб : Иранын нүвә објектләринә бахыш кечирмәк үчүн дәвәт олунан өлкәләрин чоху Иранын бу аддымыны мүсбәт гаршылајыблар вә бу тәклифи тәрифләјибләр.
Солтанијәнин сөзләринә ҝөрә , бу конструктив вә мүсбәт тәшәббүсдә әсас мәгсәд Иранын нүвә фәалијјәтләринин шәффаф олмасыны өнә чәкмәкдир.
Зира , Иранын бүтүн нүвә фәалијјәтләри аҝентлијин дәгиг нәзарәти чәрчивәсиндәдир.
Солтанијә 5 јанварда олан бир мүсаһибәдә бәјан етмишди ки , Иранын бәзи өлкәләрин нүмајәндәләрини Иранын нүвә објектләринә ҝөрүш кечирмәјә чағырышы Атом Енержиси Үзәр Бејнәлхалг аҝентликлә әмәкдашлыг чәрчивәсиндәдир.
Хатырладаг ки , Теһран Атом Енержиси Үзәр Бејнәлхалг аҝентликдәки өлкәләрин бир нечә нәфәрини о ҹүмләдән Авропа Бирлији , 77-ләр групу , Блоклара гошулмајан өлкәләр һәрәкаты вә 6-лар групунун бәзи тәмсилчиләрини Иранын нүвә објектләринә ҝөрүш кечирмәјә чағырыб.
Ҝөрүш 2011-ҹи илин јанвар ајынын 15-ҹи вә 16-ҹы ҝүнү үчүн нәзәрдә тутулуб.
Диггәт: Хәбәрдән истифадә етдикдә мәнбәјә истинад лазымдыр.
