ГАРАБАҒ "МҮСТӘГИЛ ДӨВЛӘТ" КИМИ ҜӨСТӘРИЛДИ
Елхан Полухов : ХИН дүнјанын мүхтәлиф интернет ресурсларында Азәрбајҹанла бағлы ҝедән мәлуматлары диггәтдә сахлајыр вә еһтијаҹ олдугда вахташыры реаксија верир... Белә мәсәләләрдә иҹтимаијјәт дә фәал олмалы, Азәрбајҹан әлејһинә мәлуматлара садә вәтәндашлар да мүнасибәт билдирмәлидирләр.
Әһли Бејт -АБНА- хәбәр аҝентлијинин вердији хәбәрә әсасән: Дүнјанын мүхтәлиф нөгтәләри һагда ән ҝениш мәлуматларын јер алдығы сајтлардан олан бу ресурсда Дағлыг Гарабағ "мүстәгил дөвләт" кими ҝөстәрилиб. Сајтда гондарма «ДГР» Азәрбајҹан, Таҹикистан, Русија вә диҝәрләрилә јанашы, «Аврасијанын мүстәгил дөвләтләри»ндән бири кими тәгдим олунур.
Тiмеgеniе.cом сајтында Азәрбајҹанын әрази бүтөвлүјүнүн тәһриф едилмәсиндән Азәрбајҹанын Хариҹи Ишләр Назирлији дә мәлуматлыдыр. Буну ачыгламасында назирлијин мәтбуат хидмәтинин рәһбәри Елхан Полухов дејиб. Онун сөзләринә ҝөрә, һазырда фактла бағлы арашдырма апарылыр вә мүвафиг ҹаваб һазырланыр. Елхан Полухов билдириб ки, ХИН дүнјанын мүхтәлиф интернет ресурсларында Азәрбајҹанла бағлы ҝедән мәлуматлары диггәтдә сахлајыр вә еһтијаҹ олдугда вахташыры реаксија верир. Амма онун фикринҹә, белә мәсәләләрдә иҹтимаијјәт дә фәал олмалы, Азәрбајҹан әлејһинә мәлуматлара садә вәтәндашлар да мүнасибәт билдирмәлидирләр.
Диггәт:Хәбәрдән истифадә етдикдә мәнбәјә истинад лазымдыр
