Әһли Бејт -АБНА- хәбәр аҝентлијинин вердији хәбәрә әсасән: Гәбәлә Радиолокасија Стансијасында (РЛС) русијалы забитин гәтлә јетирилмәси илә бағлы Азәрбајҹанын Һәрби Прокурорлуғу тәрәфиндән ҹинајәт иши башланыб.
Бу барәдә АПА-ја ексклүзив ачыгламасында Азәрбајҹан һәрби прокурорунун мүавини Шәфаһәт Имранов мәлумат вериб. О гејд едиб ки, ҹинајәт ишинин истинтагы Азәрбајҹан Һәрби Прокурорлуғу тәрәфиндән апарылыр.
Ш. Имранов истинтаг сирри олдуғундан гәтлин тәфәррүатлары барәдә әлавә ачыглама вермәјиб.
Гејд едәк ки, Ш. Имрановун рәһбәрлији илә Азәрбајҹан Һәрби Прокурорлуғунун әмәкдашлары һазырда Гәбәлә рајонундадырлар. Һадисәнин арашдырылмасы үчүн Русијадан да һүгуг-мүһафизә органлары әмәкдашларынын Гәбәләјә ҝәлмәси ҝөзләнилир.
Хатырладаг ки, мәлум һадисә јанварын 2-дә гејдә алыныб. Гәбәлә РЛС-дә хидмәт едән русијалы забит, 47 јашлы мајор Серҝеј Михајлович Грачов һәрбчи јолдашы тәрәфиндән гәтлә јетирилиб. Гәтли төрәдән шәхсин сахландығы билдирилсә дә, онун ады ачыгланмыр. Ону да әлавә едәк ки, бәзи мәлуматлара ҝөрә, гәтлин мотиви гарәтдир.
Диггәт:Хәбәрдән истифадә етдикдә мәнбәјә истинад лазымдыр
