Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын Гобустан рајону әразисиндә, Бакы-Шамахы автомобил јолунда баш верән дәһшәтли јол-нәглијјат һадисәси нәтиҹәсиндә өләнләрдән 2-нин вә хәсарәт алан шәхсин ады ашыгланыб.
Шамахы рајон сакини 1965-ҹи ил тәвәллүдлү Кәримов Рауф Әсҝәр оғлунун идарә етдији Азәрбајҹан Бејнәлхалг Банкынын Шамахы филиалына мәхсус 10-АБ-645 дөвләт нөмрә нишанлы “ГАЗ 3110” маркалы миник автомобили гаршы тәрәфдән ҝәлән Сумгајыт шәһәр сакини 1969-ҹу ил тәвәллүдлү Валеһов Ханлар Таҹәддин оғлуна мәхсус 50-ҸҸ-687 дөвләт нөмрә нишанлы “Даеwо Нехиа” маркалы миник автомобили илә тоггушуб.
Мәлумата ҝөрә, дүнјасыны дәјишәнләрдән бири Мүһафизә Полисинин әмәкдашы, Шамахы рајон сакини 1969-ҹу ил тәвәллүдлү Иманов Һафиз Әлиһүсејн оғлу, диҝәри сүрүҹү, Сумгајыт шәһәр сакини, 1969-ҹу ил тәвәллүдлү Валеһов Ханлар Таҹәддин оғлудур.
“ГАЗ 3110”ун сүрүҹүсү Кәримов Рауф Әсҝәр оғлу исә кома вәзијјәтиндә хәстәханаја јерләшдирилиб. Өлән диҝәр шәхсләрин шәхсијјәтини мүәјјән етмәк һәлә ки, мүмкүн олмајыб.
Гејд едәк ки, һадисә бу ҝүн сәһәр саат 10:00 радәләриндә маҝистрал јолун 94-ҹү километрлијиндә гејдә алыныб. Һадисә нәтиҹәсиндә 7 нәфәр дүнјасыны дәјишиб, бир нәфәр ағыр бәдән хәсарәти алыб.
Фактла бағлы БДЈПИ-нин истинтаг вә тәһгигат шөбәсиндә ҹинајәт иши ачылыб, арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
