Әһли Бејт -АБНА- хәбәр аҝентлијинин вердији хәбәрә әсасән: Ајәтуллаһ-үзма Насир Мәкарим Ширазинин Азәрбајҹан Республикасында һиҹаб проблеми илә бағлы сорғуја ҹавабы тәгдим олунур:
Бисмиллаһир Рәһманир Рәһим
Һәзрәт Ајәтуллаһ әл-Үзма Мәкарим Ширазинин мәһзәринә
Салам. Зати алинизә сағламлыг арзусу илә билдиририк ки:
Азәрбјаҹан Республикасы Тәһсил Назири бу өлкә конститусијасына зидд олараг орта мәктәбләрә һиҹаблы ханымларын дахил олмасына гадаға гојан бир гәрар чыхармыш, бу ҝүнә гәдәр диндар вә мөминләрин етиразлары нәтиҹәсиз галмышдыр.
Бу мәсәләни нәзәрә алараг ашағыдакы мөвзулар барәдә нәзәринизи билмәк истәрдик:
1. Бу гәрара риајәт етмәк сәбәби илә гадынларын һиҹабларыны ачмасы ҹаиздирми?
2. Ханымларин иффәтләрини горумаг наминә тәһсил оҹагларына ҝетмәјиб, тәһсилләрини давам етдирмәмәси ҹаиздирми? (јәни диндарларын тәһсил вә иҹтимаи фәалијјәтдән мәһрум олмасы ҹаиздирми?)
3. Диндар вә мөминләрин үзәриндә бу әдаләтсиз вә динә зидд олан гәрарла мүбаризә истигамәтиндә һансыса бир вәзифә вә өһдәлик вармы?
Бу мәсәлә әтрафында өз фикир вә ҝөстәришләринизи бәјан етмәји сиздән артыг дәрәҹәдә хаһиш едирик.
Ҹаваб:
Бисмиһи Тәала
Нәзәрә алсаг ки, Азәрбајҹан Ҹүмһуријјәти там Ислам мәмләкәтидир вә онун әһалисинин әксәри мүсәлман, Әһли-бејт (ә) мәктәбинин давамчысыдыр, ваҹибдир ки, бу өлкәдә Ислам һөкмләри, о ҹүмләдән һиҹаба риајәт едилсин. Халг динҹ јолларла дөвләтин һиҹабла бағлы бу антиислам ҝөстәришинә гаршы мүгавимәт ҝөстәрмәлидир. Иҹазә вермәмәлидирләр ки, бу мүсәлман өлкәсиндә Ислам мүгәддәсликләринә гаршы аддым атылсын. Әлбәттә ки, мүсәлман гызлар өз тәһсилләрини давам етдирмәлидирләр. Ејни заманда гејрәтли Азәрбајҹан халгы һиҹаба гаршы белә бир јанлыш ҝөстәришлә разылашмамалыдыр.
Азәрбајҹанын һөрмәтли дөвләт рәсмиләринә мәсләһәт ҝөрүлүр ки, халгла һәмфикир олсунлар вә биҝанәләрин һијләләринә алданмасынлар. Мән мүҹтеһидләрин чијниндә олан вә сәрһәд танымајан вәзифәмә әсасланараг, ваҹиб вә зәрури оланлары әрз етдим. Даим мүвәффәг олун.
6 деј 1389 (27 декабр 2010)
Насир Мәкарим Ширази
Диггәт: Хәбәрдән истифадә етдикдә мәнбәјә истинад лазымдыр
