Әһли Бејт -АБНА- хәбәр аҝентлијинин вердији хәбәрә әсасән: Әһалисинин 98%-ни мүсәлман тәшкил едән Азәрбајҹан республикасында Гуран ајә вә сүрәләрини јандыран Дөвләт Ҝөмрүк Комитәси Азәрбајҹандакы Рус Православ Килсәсинә ҝөмрүкчүләр тәрәфиндән мүсадирә олунмуш 22 адда 79 әдәд дини мәзмунлу китаб һәдијјә едиб!
Һәдијјәләрин тәгдиметмә мәрасими Жен Мироносетс Бакы Кафедрал Килсәсиндә һәјата кечирилиб. Һәдијјәләри тәгдим едән комитә сәдри Ајдын Әлијев билдириб ки, бу китаблар ҝөмрүкчүләр тәрәфиндән мүсадирә олунуб.
Һәдијјәләри гәбул едән Бакы вә Хәзәрјаны јепископу Александр Ата Азәрбајҹан рәһбәрлијинә Рус Православ Килсәсинә вердији дәстәјә ҝөрә миннәтдарлығыны билдириб. Русија президенти Дмитри Медведјевин Азәрбајҹана сон сәфәри заманы она гәдим иконаларын тәгдим олундуғуну хатырладан јепископ белә фактларын дүнја тәҹрүбәсиндә надир һадисә олдуғуну сөјләјиб.
Јепископ Александр ДҜК-нын Истинтаг Идарәсинин бөјүк мүстәнтиги Кәрим Кәримова Јепархијанын мүкафаты олан Фәрманы тәгдим едиб.
Јепархијанын мәтбуат катиби Константин Ата билдириб ки, ДҜК артыг нечә илдир, сәрһәддә мүсадирә олан әдәбијјат, икона вә диҝәр атрибутлары христиан килсәсинә тәгдим едир. “Бу чох ҝөзәл вә чох ваҹиб аддымдыр” дејән дин хадими буна ҝөрә Азәрбајҹан һөкумәтинә миннәтдарлығыны билдириб.
Диггәт: Хәбәрдән истифадә етдикдә мәнбәјә истинад лазымдыр
