АРДНШ-дән «АПА-ЕҸОНОМЫҸС»ә верилән мәлумата ҝөрә, Јевлах-Балакән маҝистрал газ кәмәриндә баш вермиш газ сызмасынын арадан галдырылмасы, Әмирҹан-Бүлбүлә орта тәзјигли газ кәмәриндә апарылан бирләшдирмә вә «Ҝөвһәр» Газпајлајыҹы Стансијасында тәмир ишләри илә әлагәдар декабрын 10-да саат 10:00-дан 18:00-дәк газ тәҹһизатында мәһдудијјәтләр олаҹаг. Ејни вахт әрзиндә һәмчинин газ кәмәри үзәриндә сијиртмәнин дәјишдирилмәси вә јени сијиртмәнин гурашдырылмасы илә әлагәдар Уҹар Газпајлајыҹы Стансијасындан Уҹар рајонуна ҝедән газ кәмәриндә вә пајыз-гыш мөвсүмү илә бағлы јенидән гурулан газ хәтләринин газ тәҹһизаты мәнбәјинә бирләшдирилмәси мәгсәди илә Ҝәнҹә Газпајлајыҹы Стансијасындан гидаланан «Ҝәнҹә шәһәр-2» орта тәзјигли газ кәмәриндә газын верилиши дајандырылаҹаг. Һәмин мүддәтдә Оғуз, Шәки, Гах, Загатала, Баләкән, Ҝәнҹә, Уҹар, Јевлах рајонлары, еләҹә дә Бакынын Сураханы рајонунун газ тәҹһизатында мүвәггәти мәһдудијјәтләр јаранаҹаг.
Диггәт: Хәбәрдән истифадә етдикдә мәнбәјә истинад лазымдыр.
