Баш вермиш һадисә илә әлагәдар Азәрбајҹан Ислам Партијасы бәјанат јајыб. Партијанын мәтбуат хидмәтиндән дахил олан бәјанатда дејилир:
“Сон заманлар Азәрбајҹанда Ислама гаршы атылан аддымлар мүсәлман Азәрбајҹан халгынын ҹидди наразылығына сәбәб олуб.
Бу аддымлардан бири исә сон ҝүнләр Тәһсил Назирлији тәрәфиндән һиҹаб гадағасы илә әлагәдар атылды. Тәһсил Назирлијинин бу гејри-гануни аддымына гаршы бу ҝүн назирлик бинасы гаршысында күтләви аксија кечирилиб.
Аксијада тәгрибән 1000-дән чох адам иштирак едиб вә сонда полис зоракылығы илә дағыдылыб. Полисләр аксија иштиракчыларына гаршы дәјәнәкләрдән вә ҝөзјашардыҹы газдан истифадә едибләр, инсанлар вәһшиҹәсинә дөјүлүбләр.
Аксија битдикдән сонра евләринә дөнәнләр јол боју полис тәрәфиндән сахланылыб вә 100-дән чох инсан Полис Идарәләринә апарылыблар.
АИП олараг вәтәндашларын сәрбәст топлашма һүгугундан истифадә едәрәк өз һүгугларыны мүдафиә етмәк үчүн етираз аксијасына чыхан вәтәндашлара гаршы баш вермиш полис зоракылығыны гәтијјәтлә писләјир вә һәбс олунан вәтәндашларын тезликлә азадлыға бурахылмасыны тәләб едирик.”
Диггәт: Хәбәрдән истифадә етдикдә мәнбәјә истинад лазымдыр.
