Әһли Бејт -АБНА- хәбәр аҝентлијинин вердији хәбәрә әсасән: Һадисә дүнән саат 15.00 радәләриндә, пајтахтын Сүлејман Рүстәм күчәси, 61 үнванында, 42 сајлы орта мәктәбин гаршысында гејдә алыныб. Намәлум гадын өзүнү 16 мәртәбәли бинадан атараг интиһар едиб. Гадын һүндүрлүкдән дүшдүјүндән онун мејити ики јерә парчаланыб. Мәрһумун шәхсијјәти вә өзүнә гәсд етмәсинин сәбәбләри һәләлик мәлум дејил.
Һазырда һадисә јериндә Нәсими Рајон Полис Идарәсинин вә Рајон Прокурорлуғунун әмәкдашлары арашдырмалары давам етдирир.
Нәсими Рајон Прокурорлуғундан билдирилиб ки, һадисә Г. Гулијев күчәсинин С. Рүстәм күчәси илә кәсишмәсиндә јерләшән 20 мәртәбәли јашајыш бинасында баш вериб. Һәмин бинанын 19-ҹу мәртәбәсиндә јашајан, 17 јашлы Шәһла Һүсејнова өзүнү јашадығы евин ејванындан атыб. Мәрһумун өзүнә гәсд етмәсинин сәбәбләри һәләлик мәлум дејил. Онун орта мәктәб шаҝирди олдуғу билдирилир.
Фактла бағлы Нәсими Рајон Прокурорлуғу тәрәфиндән Ҹинајәт Мәҹәлләсинин 125-ҹи (өзүнү өлдүрмә һәддинә чатдырма) маддәси илә ҹинајәт иши башланыб, истинтаг тәдбирләри давам етдирилир.
Диггәт: Хәбәрдән истифадә етдикдә мәнбәјә истинад лазымдыр
