Әһли Бејт -АБНА- хәбәр аҝентлијинин вердији хәбәрә әсасән: Русија президенти Дмитри Медведев Федерасија Шурасы гаршысында әнәнәви иллик мүраҹиәтиндә билдириб: Русија јүксәк технолоҝијалы ордунун јарадылмасына 20 трилјон рублдан чох вәсаит хәрҹләјәҹәк вә бу саһәдә сычрама јарадаҹаг технолоҝијаларын ахтарышы үчүн хүсуси структур гурулаҹаг.
О, Русијанын һава һүҹумундан вә ракет һүҹумундан мүдафиә системләрини бирләшдирмәји тәклиф едиб: “Өлкәнин һава-космик мүдафиәсинин ҝүҹләндирилмәсинә хүсуси диггәт јетирилмәли, мөвҹуд һава вә ракет һүҹумундан мүдафиә системләри бирләшдирилмәлидир. Онлар ваһид стратежи команданлыг алтында фәалијјәт ҝөстәрмәлидир”.
Д. Медведев билдириб ки, ракет һүҹумундан ваһид глобал мүдафиә системи гурулмаса, дүнјаны јени силаһланма јарышы ҝөзләјир: “Мән ачыг демәк истәјирәм ки, јахын 10 илдә бизи бу алтернатив ҝөзләјир – биз ја ракетдән мүдафиә саһәсиндә разылыға ҝәлиб бирҝә әмәкдашлыг механизми гураҹағыг, ја да конструктив разылашма әлдә олунмајаҹаг вә силаһланма јарышынын јени мәрһәләси башлајаҹаг. Вә биз јени зәрбә васитәләри јерләшдирмәк барәдә гәрар гәбул етмәли олаҹағыг”.
Диггәт: Хәбәрдән истифадә етдикдә мәнбәјә истинад лазымдыр
