Әһли Бејт -АБНА- хәбәр аҝентлијинин вердији хәбәрә әсасән: Бу ҝүн сәһәр саатларында Теһранда террорчулар мотосиклетдән истифадә едәрәк Шәһид Беһишти адына Теһран Университетинин мүәллимләринә гаршы террор акты төрәтмишләр.
Онлар ики бомбаны ајрылыгда университет мүәллимләринин машынларынын горујуҹу шәбәкәсиндә (крыласында) јерләшдирмишләр.
Һәр ики университет мүәллимләри һәјат јолдашлары илә бирликдә ишә ҝедирмишләр. Һадисә заманы доктор Мәҹид Шәһријари һәлак олуб, һәјат јолдашы исә јараланыб. Диҝәр университет мүәллими доктор Фирудин Аббасинин һалы јахшыдыр. Лакин онун һәјат јолдашы исә ағыр јараланмышдыр.
Гејд едәк ки, партлајышын бири Шәһид Беһишти адына Теһран Университетинин јаынлығында диҝәри исә Әртеш адына Бүлварда төрәдилмишдир.
Террорла бағлы мәсулијјәти һәләлик һеч бир груплашма үзәринә ҝөтүрмәјиб.
Диггәт: Хәбәрдән истифадә етдикдә мәнбәјә истинад лазымдыр
