Әһли Бејт -АБНА- хәбәр аҝентлијинин вердији хәбәрә әсасән: А. Рәһимов гонаға әввәлҹә Азәрбајҹанда Ҝәнҹләр вә идман Назирлијинин јаранма тарихи, Азәрбајҹанын идманчыларынын Пекин вә Сингапур олимпија ојунларында газандыглары уғурлар барәдә мәлумат вериб. О билдириб ки, Азәрбајҹанда мүхтәлиф назирләр һәм дә мүхтәлиф идман федерасијаларына рәһбәрлик едирләр.
Назир дејиб ки, Азәрбајҹанда артыг 28 идман комплекси истисмара верилиб, 11 комплекс исә һәлә инша едилмәкдәдир. Кајак вә каноје идман нөвү үчүн јени Күр Идман Мәркәзи тикилиб. А. Рәһимов өлкә президентинин тапшырығы илә тикилән бу мәркәзин идманчылар үчүн әһәмијјәтли олаҹағыны сөјләјиб. Назир әлавә едиб ки, һазырда Азәрбајҹанда гејдијјатдан кечән 80 идман федерасијасы вар.
А. Рәһимов Азәрбајҹанда ҝәнҹләр саһәсиндә рәсми гејдијјатдан кечән гејри-һөкумәт тәшкилатларынын сајынын 200-ү өтдүјүнү ачыглајыб.
Ливанын ҝәнҹләр вә идман назири Әли Һүсејн Абдуллаһ исә гејд едиб ки, өлкәсиндә Ҝәнҹләр вә Идман Назирлији 2000-ҹи илдә јарадылыб: “Тәәссүф ки, бу вахта гәдәр ҝәнҹләрә етинасыз јанашылырды. Онлара дөвләт тәрәфиндән диггәт ҝөстәрилмирди”.
Ҝөрүш даһа сонра даһа сонра КИВ нүмајәндәләринин иштиракы олмадан давам етдирилиб.
Диггәт: Хәбәрдән истифадә етдикдә мәнбәјә истинад лазымдыр
