Әһли Бејт -АБНА- хәбәр аҝентлијинин вердији хәбәрә әсасән: Нојабрын 17-дә Тәбриздә Милли Сәрдар Сәттарханын өлүмүнүн 96-ҹы илдөнүмү илә бағлы аным мәрасими кечирилиб. Мәрасим заманы јерли вахтла саат 19:00 радәләриндә азәрбајҹанлы ҝәнҹләрлә ермәниләр арасында галмагал баш вериб. Бу исә аным мәрасиминин күтләви нүмајишә чеврилмәси илә нәтиҹәләниб.
Мүбаһисәјә сәбәб бир нечә ермәни оғлан вә гыздан ибарәт дәстәнин мәрасим иштиракчысы олан азәрбајҹанлы ҝәнҹә јахынлашараг тәһгирамиз ифадә ишләтмәси олуб. Онларын арасында јаранан мүбаһисәјә диҝәр ермәниләр сөјүшлә ҹаваб вериб вә Азәрбајҹанлыларын үнванына һәгарәт едибләр. Ермәниләрин бу давранышы хијабандан кечән диҝәр сојдашларымызын да диггәтини чәкиб вә бир нечә дәгигә әрзиндә аным мәрасими күтләви аксијаја чеврилиб. Бу заман онлар “Ја Гарабағ, ја өлүм”, “Јашасын Азәрбајҹан!”, “Мәһв олсун Ермәнистан!” кими шүарлар сәсләндирибләр.
Бундан сонра һадисә јерини мүһасирәјә алан Иран тәһлүкәсизлик гүввәләри әввәлҹә ермәниләри, даһа сонра азәрбајҹанлылары орадан узаглашдырыблар.
Диггәт: Хәбәрдән истифадә етдикдә мәнбәјә истинад лазымдыр
