Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан вә Иран арасында енержи вә нәглијјат саһәсиндә әмәкдашлыг һаггында Анлашма Меморандумунун имзаланмасындан сонра Маһмуд Әһмәдинежад Иранда истеһсал олунан сутәмизләјиҹи гурғуну, ҹәрәјан тунели микроскопуну вә ушагларын ешитмә габилијјәтини мүәјјәнләшдирән ҹиһазы Азәрбајҹан президенти Илһам Әлијевә тәгдим едиб.
Ҹәнаб Маһмуд Әһмәдинежад билдириб ки, сутәмизләјиҹи гурғу, ҹәрәјан тунели микроскопу вә ушагларын ешитмә габилијјәтини мүәјјәнләшдирән ҹиһаз Иранда ҝениш тәтбиг едилир. Президент Маһмуд Әһмәдинежад нүмајиш етдирилән аваданлығын техники-игтисади ҝөстәриҹиләри барәдә азәрбајҹанлы һәмкарына мәлумат вериб. О гејд едиб ки, бу аваданлыглар Мәркәзи Асија, әрәб, Африка вә Латын Америкасы өлкәләринә дә ихраҹ едилир.
Диггәт: Хәбәрдән истифадә етдикдә мәнбәјә истинад лазымдыр
