Әһли Бејт -АБНА- хәбәр аҝентлијинин вердији хәбәрә әсасән: Ермәнистанын Азәрбајҹана гаршы әрази иддиасы ирәли сүрмәси, Дағлыг Гарабағда јашајан ермәниләрин ачыг сепаратчылыг һәрәкаты, бу просесләрин Ермәнистан вә Дағлыг Гарабағда јашајан јүз минләрлә азәрбајҹанлынын өз јурд-јувасындан говулмасы илә нәтиҹәләнмәси Мејдан һәрәкатынын әсасыны гојуб. Москванын вә јерли һакимијјәт органларынын јарытмаз сијасәти нәтиҹәсиндә мејдана чыхан бу проблемләрин гаршысыны алмаг тәшәббүсүнү үзәринә ҝөтүрән халг 1988-ҹи ил нојабрын 17-дә Бакынын мәркәзи мејданына топлашараг күтләви етираз аксијасына башлајыб. 17 ҝүн арамсыз давам едән, милјонларла инсанын гатылдығы бу аксија һәм дә кечмиш ССРИ-дә ән иримигјаслы етираз аксијасы иди. ССРИ-нин сүгуту просесини арашдыран јерли вә хариҹи тәдгигатчыларын бөјүк әксәријјәти бу просесдә Азәрбајҹанда башлајан “Мејдан һәрәкаты”нын мүһүм рол ојнадығыны гејд едирләр. Бу һадисәләр милли азадлыг һәрәкатынын башланғыҹы кими Азәрбајҹанын мүстәгиллик газанмасынын илкин мәрһәләси һесаб олунур.
Милли Дирчәлиш ҝүнү Азәрбајҹанда дөвләт сәвијјәсиндә гејд олунса да, 2006-ҹы илин декабрында ганунвериҹилијә едилмиш мүвафиг дәјишикликләрә әсасән иш ҝүнү сајылыр.
Диггәт: Хәбәрдән истифадә етдикдә мәнбәјә истинад лазымдыр
