Әһли Бејт -АБНА- хәбәр аҝентлијинин вердији хәбәрә әсасән: АБШ мүдафиә назири Роберт Ҝејтс Ирана ендириләҹәк һәрби зәрбәнин Иран халгыны бирләшдирәҹәјини вә Теһраны нүвә силаһы әлдә етмәјә инандыраҹағыны билдириб.
Пентагон рәһбәринин фикринҹә, Иранын нүвә силаһыны әлдә етмәмәји үчүн гејри-һәрби методлардан истифадә етмәк лазымдыр.
Назир әминдир ки, Ирана гаршы һәрби кампанија Ислам Республикасынын нүвә дөвләтинә чеврилмәсини јалныз ҝеҹикдирә биләр.
Ҝејтс һәмчинин һесаб едир ки, Ирана гаршы бејнәлхалг санксијалар өлкә президенти Маһмуд Әһмәдинеҹат вә али дини лидер Ајәтуллаһ Әли Хаменеји арасында ҹидди фикир ајрылығына сәбәб ола биләр.
«Биздә һәтта мәлуматлар вар ки, Хаменеји Әһмәдинеҹатын санксијаларын игтисадијјата тәсири барәдә она јалан данышыб-данышмадығы вә игтисади проблемләр дүзҝүн мәлумат алыб-алмадығы барәдә илә марагланыр», дејә назир билдириб.
АБШ вә диҝәр Гәрб өлкәләри Ираны нүвә силаһы һазырламагда ҝүнаһландырырлар. Теһран бу иттиһамлары рәдд едәрәк нүвә програмынын сырф динҹ мәгсәдләрлә һәјата кечирилдијини билдирир.
Декабрын 5-дә Иранын васитәчиләрин «алтылығы» (АБШ, Русија, Чин, Бөјүк Британија, Франса, Алманија) илә нөвбәти данышыглары нәзәрдә тутулуб.
Диггәт: Хәбәрдән истифадә етдикдә мәнбәјә истинад лазымдыр
