Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын Ләнкәран рајонунда ағыр јол-нәглијјат гәзасы баш вериб. Дахили Ишләр Назирлијинин (ДИН) Баш Дөвләт Јол Полиси Идарәсинин (БДЈПИ) истинтаг вә тәһгигат шөбәсинин мүстәнтиги Бәјәмир Ҹаһанҝировун вердији мәлумата ҝөрә, һадисә нојабрын 14-дә саат 19.40 радәләриндә Әләт-Астара маҝистралынын 190-ҹы километрлијиндә - Ләнкәран рајонунун Лиман шәһәри әразисиндә гејдә алыныб.
Салјан шәһәр сакини, 1964-ҹү ил тәвәллүдлү Фаиг Әли оғлу Гурбанлы идарә етдији “Форд Трансит” маркалы, 90 ХП 434 дөвләт нөмрә нишанлы јүк машыны илә Әләт истигамәтиндә һәрәкәтдә едәркән јолу кечмәк истәјән пијада, Ләнкәран рајонунун Сијобили кәнд сакини, 1977-ҹи ил тәвәллүдлү, Сәјјад Мәнсим оғлу Мирзәјеви вуруб. Пијада алдығы хәсарәтләрдән һадисә јериндәҹә кечиниб.Фактла бағлы Азәрбајҹан Республикасынын Ҹинајәт Мәҹәлләсинин 263.2 маддәси илә ҹинајәт иши ачылыб, арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
