Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын Аилә, Гадын вә Ушаг Проблемләри үзрә Дөвләт Комитәсинин сәдри Һиҹран Һүсејнова Азәрбајҹанын Күвејтлә әлагәләрин инкишафында мараглы олдуғуну вә дәјирми масанын мүсәлман гадынларынын һүгугларынын инкишафы мәсәләсинә хидмәт едәҹәјини сөјләјиб. О, ҹәмијјәтдә вә һөкумәтдә ҝендер балансынын тәмин едилмәсинин ваҹиблијини вурғулајараг Азәрбајҹанын бу истигамәтдә чох сүрәтлә ирәлиләдијини вә парламентдә гадынларын сајынын артдығыны билдириб.
Күвејтин Гадын мәсәләләри үзрә Дөвләт Комитәсинин сәдри Ләтифә Әл-Фәһәд Әл-Саваһ исә өлкәсиндә парламентин фәалијјәтә башладығы 1962-ҹи илдән сонра гадынларын ганунвериҹи органа сечилмәк һүгугунун олмадығыны, јалныз 2005-ҹи илдә бу һүгугу әлдә етдикләрини вә һазырда Күвејт парламентиндә 4 гадынын олдуғуну дејиб.
Сонра Азәрбајҹан Республикасынын Аилә, Гадын вә Ушаг Проблемләри үзрә Дөвләт Комитәси илә Күвејтин Сосиал Инкишаф, Аилә вә Һәмрәјлик Назирлији арасында аиләләрин рифаһынын јүксәлдилмәси, гадынларын инкишафы вә ушагларын мүдафиәси саһәләриндә әмәкдашлыг һаггында Меморандум имзаланыб.
Күвејтин Гадын мәсәләләри үзрә Дөвләт Комитәсинин нүмајәндә һејәти Азәрбајҹан баш назиринин мүавини Елчин Әфәндијевлә ҝөрүшәҹәк, нојабрын 12-дә 134 сајлы орта мәктәб вә ушаг бағчасы илә, һаб
