Әһли Бејт -АБНА- хәбәр аҝентлијинин вердији хәбәрә әсасән: Н. Исмајыловун сөзләринә ҝөрә, һазырда АНАМА 550 нәфәр һејәтлә илдә 20-22 млн. квадратметр саһәни тәмизләјир, мөвҹуд әмәлијјат ҝедән саһәләрин 2014-ҹү иләдәк баша чатдырылмасы нәзәрдә тутулур. Ишғалдан азад едиләҹәк әразиләрин тәмизләнмәси үчүнсә АНАМА персоналынын сајынын дәфәләрлә артырылмасы зәрури олаҹаг.
Аҝентлик рәһбәринин сөзләринә ҝөрә, һазырда ишғал алтында олан әразиләр бошалдылдыгдан сонра тәмизләнмә ишләринин сүрәтләндирилмәси үчүн бир нечә мүмкүн вариант вар. Бунлардан биринҹиси, бәзи әразиләрин тендерә чыхарылараг хариҹи ширкәтләрин әразиләрин тәмизләнмәсинә ҹәлб олунмасыдыр. Икинҹи вариант Силаһлы Гүввәләрин мүһәндис гошунларынын бу әмәлијјатлара ҹәлб олунмасыдыр. Һазырда бу методдан Иорданијада истифадә олунур: “Бундан башга, һазырда данышыглар ҝедир ки, ермәниләр әразиләри тәрк едәндән сонра миналы саһәләрин хәритәләрини бизә тәгдим етсинләр. Ола билсин ки, бәзи әразиләр онларла бирликдә тәмизләнсин”.
Диггәт: Хәбәрдән истифадә етдикдә мәнбәјә истинад лазымдыр
